1 PITA 5:1 - Yataa 'a Dɔbɛnɛ Nama

¹ Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:1 ပူးပေါင်းရင်းမြစ်များ

DUKU 24:48

Wo wandi gbu‑a koe chɛ n gbɛɛ ɔ yen. Wo an dɔ yian mɔ ɔ mɔ a.

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 11:30

An sin‑na an boo fenɛ n na sɔn sɔn fan, mbɛ an‑na an be Banabasi ma, an fea Sɔɔ a. An bɛɛ‑a boo fen chɛ n na ta wan, chɔchi gbakoo n tena Chuusaɛn duu ɔ.

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 15:4

An che‑a kɛn gbɛ Chuusaɛn, chɔchi mɔɛ n‑na an boo si wan an kɔɔ, an bɛ Chisɔsi 'a sɔ mɔɛ n na nɔ, ni gbakoo n gbɛɛ. A sin, Pɔɔ an fea Banabasi a, an si‑a wan ko ɔ ko ma, Yataa‑a min chɛ an ye, an‑na a ɔ yian.

CHISƆSI 'A SƆ MƆƐ NU 15:6

Mbɛ Chisɔsi 'a sɔ mɔɛ chɛ nu, an bɛ gbakoo n na, an bɛnden fan ni kaina dɔndɔɛ, an yii na chii koe a, bai chɛ ma.

CHISƆSI 'A SƆ MƆƐ NU 2:32

Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.

CHISƆSI 'A SƆ MƆƐ NU 20:17

Pɔɔ to‑a Midetɔsi wan, mbɛ a‑a sakana a ta Ɛfisɔsi chɔchi gbakoo n tena, an na koe a, a tan‑da.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 21:18

Banda ɔ ka dɔndɔɛ ma, nn bɛ ta‑a wan Pɔɔ a, Chimisi yen koe a. Nn che‑a kɛn Chimisi tena, chɔchi gbakoo n gbɛɛ a sɔnden fan ni nɔ.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

GBOO FEAN BƆƐ KƆYINDI KO A 5:8

Chɛ ko a, faachima koo mmɔ ɔ. A sin, mmɔ ɛ to‑a wan mmɔ ni bɔ dunya ma gboo chɛ ɔ, mmɔ ɛ min dɔ, mbɛ mmɔ ma‑a, mmɔ bɛ Mansa Chisɔsi a.

Gboo Fiipai Ko A 1:19

Koe min na mu, wo e samunɛ min chɛ n ko a, ɛ a ma‑a wan, n kunɛ ni bɔ a ɔ. A sin to, Chisɔsi Chasi Nyina wɛɛ, ɛ deman chɛ chɛ‑a wan n na.

1 TIMOTI 5:1

I ma koɔ ma sɛen chɛ chenan kai n tena. Chɛɛ koɔ a tena basɔmaya a, yɔ e koɔ buɛ min dɔ i fa tena. Kamin tɔngbɔɛ n bia yɔ i dɔ kaima nu.

1 TIMOTI 5:19

I ma koe ya ka dechee a si gbakoo ma, ni mɔ fea, sawa ma siiya bɔ ni a ma.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

TAITƆSI 1:5

Chɛ an‑na a ma, n‑na i to Keti yii tinɛ ɔ duu n dɔ, min mbe a ma, i ni koe n dɔ bɛn. A yɛ to, i ni chɔchi gbakoo n yian duu kan kɔ kan dɔ, yɔ n‑na a fɔ buɛ min dɔ i ye.

FIDEMƆN 1:9

Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

2 CHƆN 1:1

N fan chɔchi gbakoo, n fan mbe gboo chɛ nyɛn tena i tena, i wan musu chɛ, Yataa faa ma chɛ, wo bɛ i 'a denɛ n na. Wo e Yataa 'a chia an ma, an fɛ mu, wo ko a di n ye. N dɔndɔ gbe ma to ni wo a, chɛɛ mɔɛ chɛ n gbɛɛ, miin‑na Yataa 'a tea sɔn, an gbɛɛ toen fan mu wo a.

3 CHƆN 1:1

N fan chɔchi gbakoo, n fan mbe gboo chɛ nyɛn tena i tena, i wan Kayɔsi. E Yataa 'a chia an ma, an fɛ mu i ko a di n ye.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.