1 PITA 4:6 - Yataa 'a Dɔbɛnɛ Nama

⁶ Chɛ an na‑a a ma, sakana bai chɛndɛ chɛ na‑a sa chɛ n bɛɛ tena, miin na‑a fa. Chɛ na‑a ma, min mbe a ma, ni an gboo na‑a tɔɔya wɛɛ saya a, an nyina ni ma nɔ fɔɛ ɔ, yɔ Yataa ɛ buɛ min dɔ.

1 PITA 4:6 ပူးပေါင်းရင်းမြစ်များ

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

Gboo Kadesia Ko A 2:19

Koe min na mu, Yataa 'a sawa ko a ni dechee, Chasi fa‑a. Chɛ‑a a ma wan, n fa‑a wan, sawa chɛ ta fɛ chia a, min mbe a ma, n ni ma Yataa ta fɔɛ ɔ. An ban‑da gbɛ n fa‑a, kɔn gbengbandenɛ ma, nn fea Chasi a.

Gboo Kadesia Ko A 5:25

Ni mmɔ ɛ fɔɛ chɛ ɔ, mmɔ tachɛ Yataa Nyina gbee a, mbɛ mmɔ bea‑a chia chɛ fɛ, Yataa Nyina ɛ mmɔ sɔ‑a min ma.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 PITA 3:19

A tima chɛ a, mbɛ a ta‑a koɔ‑a faa mɔɛ n tena, miin nyina ni pimbi chenɛ a.

KO Ɔ NUNDENƐ 14:18

Mbɛ maeka dɔ mende bɔ‑a, min ni ta kun ma fɛn, fen kunyɛ a diama chɛ ɛ minda ka gbengbe min ma banda bu ɔ. Mbɛ a‑a yee tɛ gbankon maeka dɔndɔɛ chɛ tena, chin fen kai mɛ wa chɛ ɛ ka min boo a, a ɔ, “I 'a mɛ wa ya, i ni keepi chɛ kai, a ka a nɔmɔɛ ma, dunya chɛ ma. Koe min na mu, an keepi n gbu yawa‑a.”