1 PITA 4:5 - Yataa 'a Dɔbɛnɛ Nama

⁵ Chɛɛ an‑na koe miin gbɛɛ ma, an mbe a ɔ yian‑da wan Yataa chen kɔɔ. A ma bɛndenɛ mu gbɛ kaa a tɛ koe a fuɛ n ma, an bɛ chɛndɛ ba an na.

1 PITA 4:5 ပူးပေါင်းရင်းမြစ်များ

MATIU 12:36

“N sin, n ni a ma din wo tena, mbɛ ni Yataa na‑a tima min na mɔɛ n gbɛɛ gbɛmbo koe a, a tima chɛ a, mɔ ɔ mɔ‑a a ɔ yian‑da wan, fen‑na a ma, a ni bai faun faunɛ n sa.

DUKU 16:2

Chɛ fɛ, a‑a mɔɛ a ta wan wai chɛ mɔɛ chɛ chee‑a. A na‑a kɛn, nyan tɔɛ chɛ‑a a fɔ wan a ye, a ɔ, ‘N‑na koe miin na min, a si i ma, an na ma di n ye.’ A ɔ, ‘Na,’ a ɔ, ‘i ni i konan a si i 'a wai gbɛɛ ma, e min chɛ tee.’ A ɔ, ‘A mu min na,’ a ɔ, ‘e ee che to ma‑a n boo fen kan kɔ kan kun ma.’

CHISƆSI 'A SƆ MƆƐ NU 10:42

A sin‑na a fɔ wan nn ye, a ɔ, nn ni Yataa bai sa mɔɛ n tena. Mbɛ nn‑na siiya bɔ, a si a wakoe ma. A ɔ yian koe a, mbɛ Yataa‑a a wan Chisɔsi an yian, kaa a tɛ koe a, chɛndɛ ba n ko a, an bɛ fuɛ n na.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

GBOO DOMI KO A 14:9

Koe min na mu, Chisɔsi Chasi fa‑a wan, mbɛ a‑a a kɔɔ sɔ a ka saya ɔ. Chɛ na‑a ma, min mbe a ma, a ni ma mansa a mmɔ gbɛɛ ko a, mmɔ wan chɛndɛ ba nu, mmɔ bɛ fuɛ n na.

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

CHIMISI 5:9

N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.