1 PITA 4:2 - Yataa 'a Dɔbɛnɛ Nama

² A sin, wo ee ma‑a wo faa ma koe n fan ma‑a, aan wo ni fa. Chɛɛ wo ma bɛndenɛ ɛ ma‑a wan, tima ɔ tima ko a, Yataa faa ma koe ma koe a.

1 PITA 4:2 ပူးပေါင်းရင်းမြစ်များ

MATIU 12:50

A mu min na, mɔɛ miin mbe kooya be‑a Fa Yataa ma, an fan mu n de a, an fan mu n dɔ kaima n na, an bɛ n dɔ musuma n na.”

MATIU 20:4

Mbɛ a‑a a fɔ an bɛɛ ye, a ɔ, ‘Wo wɛɛ, wo na, wo ni ta wai chɛ n 'na yadi ɔ. N mbe wo buɔdia pawa chɛ‑a wan wo a.’

MATIU 21:31

Den fea chɛ n tɛ ɔ, nyɔn‑na a fa faa ma koe ma?” Mbɛ an dɔ, “Denɛ chenama chɛ.” Mbɛ Chisɔsi ɔ, “N ni a ma din wo tena, mbɛ mɔ yama chɛ nu, miin mu pawa bia mɔɛ chɛ n na, an bɛ duu dia chɛ n na, an fan mbe ka don‑da Yataa 'a mansaya kɔɔ wo ya ɔ. Chɛɛ wo tana, wo ee don‑da nɔ sanche.

MATIU 7:21

Chisɔsi ɔ, “Mɔɛ gbɛɛ ma, miin mbe n chee‑a, ‘Mansa, Mansa,’ miin mbe don‑da Yataa 'a mansaya kɔɔ. Chɛɛ fɔ dechee mɔɛ chɛ, min mbe a sɔɛ don‑da Fa Yataa, min mbe banda bu ɔ, a faa ma koe n ma koe a.

MAKI 3:35

Mɔ ɔ mɔ, min mbe Yataa faa chima koe ma‑a, n de an nɛ, n dɔ musuma an nɛ, n dɔ kaima an nɛ.”

MAKI 7:21

Koe min na mu, mɔ gbu bu ɔ mu, a faa ɔ, ko yama n mbe bɔ. Yiinachii yama nu, miin mbe mɔɛ sɔ ko tɛ ma, kanka chɛ, ni mɔ fa koe.

CHƆN 1:13

An ma ma ni Yataa 'a denɛ n na mɔgbuya ta chia an na. Yataa wandi an‑na a ma, an ma‑a a 'a denɛ n na.

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 14:7

Mmɔ dɔndɔ wɛɛ ma ma ben‑da, mmɔ kun ye. A yɛ to, fɔɛ chɛ ɔ, mmɔ dɔndɔ wɛɛ ma fa mmɔ kun ye.

GBOO DOMI KO A 6:11

A chia dɔndɔ gbe chɛ a, wo wɛɛ ni wo wandi ya gbɛ mɔ faenɛ n na, ko yama 'a gbasaya ee to wo kun ma. Chɛɛ wo e gbɛ fɔɛ min dɔ, wo e Yataa an ko a, mɔ dɔndɔɛ mu gbɛ wo a Chisɔsi Chasi a.

GBOO DOMI KO A 6:2

Tea ko a, chɛ ee ma. Ni ko yama ma koe mu to, mbɛ mmɔ faenɛ mu gbɛ. Mmɔ ee kun to ma‑a fɔɛ ɔ, mmɔ ɛ ta‑a ko yama ma‑a tun tun.

GBOO DOMI KO A 7:4

N suun ma nyɔɛ nu Chasi ɔ, wo wɛɛ ɛ ka wan. Sawa ta fɛ chia a, a maen fan mu dechee yɔ wo wɛɛ na‑a fa wan. Chasi‑a saya min chɛ, a‑a a ma yɔ wo wɛɛ fa‑a sawa tena. A sin sanche gbɛ, wo e Chasi an ko a, min kɔɔ sɔ‑a saya ɔ. Chɛ ma‑a, min mbe a ma, mmɔ ni gbɔɛ be Yataa ko a.

GBOO FEAN BƆƐ KƆYINDI KO A 5:15

A sin gbu, a na‑a fa mɔɛ gbɛɛ an ko a. Chɛ‑a a ma wan, mɔɛ gbɛɛ, miin mbe fɔɛ ɔ, an mbe ee to a ɔ an fandi an ko a. Chɛɛ an mbe gbɛ fɔɛ ɔ, Chasi an ko a. A wan fa‑a, mbɛ a kɔɔ sɔ‑a, a ka saya ɔ, an ko a.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Ɛfisɔsi Ko A 5:17

Chɛ an fɛ mu, wo ma ma woo mɔɛ n na. Chɛɛ wo butuin chɛ, wo ni Mansa Chisɔsi faa ma koe ɔ gbɛ.

Gboo Ɛfisɔsi Ko A 6:6

Wo ma chɛ ma dechee an ya kɔɔɛ ma wan, an faa chima koe a mɔgbuya ɔ. Chɛɛ wo a ma, wo faa gbɛɛ a, yɔ Chasi 'a yɔnɛ nu, miin mbe Yataa faa ma koe ma.

Gboo Kɔdɔsai Ko A 1:9

Chɛ ko a, a bia an tee chɛ ma, nn‑na a a min tee min na, nn ma sɛmbɛ ni samunɛ chɛ koe a wo ko a. Nn mbe samunɛ chɛ tena wan tima ɔ tima ko a, Yataa ni a ma, a toen mu koe miin na, wo ni an dɔ gbɛ chɛndɛ chɛ. A sin, n mbe a ɔ tisa tena, a ni yiimatɛ gbɛɛ be wo ma, a wan Yataa Nyina ɛ min be.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.

1 PITA 1:14

Wo ma yɔ den mɛsɛ nu, miin kooen mu Yataa tena. A sin, fɔɛ chɛ ɔ, wo faa ma koe n ma ben wo ma. Koe chɛ nu, wo toen ni miin na, tima min na wo nii ma sakana bai chɛndɛ chɛ a min nin bɛ, a si Chisɔsi Chasi ma.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

1 CHƆN 2:17

Ban fenɛ mu dunya chɛ a, a basan dunya ma koe n bɛɛ a. Chɛɛ mɔɛ min mbe Yataa faa ma koe ma‑a, ɛ kuɔ fɔ fɔɛ ma sɔn‑da wan.