1 PITA 4:18 - Yataa 'a Dɔbɛnɛ Nama

¹⁸ Ɛ wan yɔ Yataa 'a gboo‑a a fɔ buɛ min dɔ, a ɔ, “Bauncha sɔn koe ɔ gbɛ, mɔ tandenɛ n boo ɔ. Mɔɛ chɛ n sin, miin mu Yataa sɔn bai wa an na, mmɔ ma ɔ sɔn an ta ɛ ma‑a buɛ min dɔ.”

1 PITA 4:18 ပူးပေါင်းရင်းမြစ်များ

DUKU 15:1

Tima dɔndɔ a, pawa kain mɔɛ nu, ni mɔɛ chɛ nu, miin nii sɔ ɔ Yataa 'a chia ma, an gbɛɛ na‑a wan, an too ma sɔ koe a Chisɔsi ma.

DUKU 23:31

A mu min na, ni an mbe kun fan an ni n tɔɔya buɛ chɛ ɔ, n fɛn ma ko yama kan kɔ kan ma ni, wo sin gbɛ, wo wɛn yau ka, an mbe ma‑a ka ma wo a?”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

CHISƆSI 'A SƆ MƆƐ NU 27:31

Chɛɛ Pɔɔ‑a a fɔ wan soya gbakoo chɛ ye, an bɛ soya tɔɛ chɛ n na, a ɔ, “Ni wai chɛ mɔɛ tɔɛ chɛ nu, an ma to ni dɛndɛ chɛ ɔ, wo kun mbe ee bɔ‑a a ɔ.”

GBOO DOMI KO A 1:18

Chɛɛ mɔɛ chɛ n gbɛɛ, miin mbe ko yama n ma, an fan mbe a ma, mɔɛ n mbe ee tea ɔ sɔn a si Yataa ma. A ka banda bu ɔ, ɛ a ɔ yian‑da wan a faa tɛen mu buɛ min dɔ.

GBOO DOMI KO A 5:6

Tima min na mmɔ nii che basan‑da mmɔ wandi ma, Chasi fa‑a wan mmɔ ko a, mmɔ ko yama ma mɔɛ chɛ nu. Yataa na‑a tima min yian, a fa‑a a tima chɛ an na.

GBOO DOMI KO A 5:8

Chɛɛ Yataa‑a a ɔ yian fan mmɔ a, mbɛ a toen mu mmɔ a kaka. Koe min na mu, mmɔ to‑a mmɔ 'a ko yama n fan dɔ, mbɛ Chasi fa‑a mmɔ ko a.

GBOO SAA KƆYINDI KO A 10:12

Chɛ an fɛ mu, ni ɛ wan mɔ ɔ mɔ 'a yiinachii ɔ, mbɛ ɛ wan sɔ ɔ gban Yataa ko a, a mɔɛ chɛ ni a kun ma fɛn, min mbe a ma, a wɛɛ ma na bea.

1 TIMOTI 1:9

Mɔɛ miin mbe don sawa kɔɔ, a ee sa an fan ko a. Chɛɛ ɛ sa mɔ yama n fan ko a, miin mbe ee sawa ya, an mbe ee don a kɔɔ, Yataa sɔn bai nu, miin mbe a gbɛnɛ ma bon. Ɛ chɛ n fan ko a, miin mbe an fa n fa, an ni an de n fa, an bɛ mɔ fa mɔɛ n na.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

CHIMISI 5:6

Wo‑a kaa a tɛ, wo‑a mɔɛ chɛ n fa, miin ma ko ɔ ko ma ni. An sin nii ma sɔ ni wo a, wo ni an fa tena tima min na.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

CHUDA 1:15

A ɔ, ɛ na‑a wan mɔɛ n gbɛɛ gbɛmbo koe a. A ɔ, mbɛ mɔɛ chɛ nu, miin ma Yataa sɔn, a ɔ, mbɛ kaa a tɛ‑a an 'na ko yama n gbɛɛ ma. A ɔ, ko yama chɛ n gbɛɛ, a ɔ, a basan an 'na bai yama n gbɛɛ a, an‑na miin sa a si a ma.