1 PITA 4:17 - Yataa 'a Dɔbɛnɛ Nama

¹⁷ Koe min na mu, Yataa 'a kaa a tɛ tee ɔ ma yansan to. A sin mbe kaa a tɛ kuu sɔ‑a mmɔ wan ma, a ta mɔɛ nu. Mɔɛ chɛ n sin, miin mbe ee don Yataa 'a sakana bai chɛndɛ kɔɔ, an ta ma ɛ chian‑da wan.

1 PITA 4:17 ပူးပေါင်းရင်းမြစ်များ

DUKU 23:31

A mu min na, ni an mbe kun fan an ni n tɔɔya buɛ chɛ ɔ, n fɛn ma ko yama kan kɔ kan ma ni, wo sin gbɛ, wo wɛn yau ka, an mbe ma‑a ka ma wo a?”

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 2:9

Ko ma gbaaenɛ ɛ ma‑a wan nɔ, a basan tɔɔya a, mɔɛ chɛ n gbɛɛ ko a, miin mbe ko yama chɛ n ma. Chɛ ɛ ma‑a wan Chu mɔɛ n na, a ni ma mɔɛ chɛ n bɛɛ a, miin ma Chu mɔɛ n na.

Gboo Kadesia Ko A 3:1

Wo wan Kadesia mɔɛ nu, wo wooen mu. N ma a ɔ sɔn mɔɛ min nya‑a wo a. Wo wandi gbu, wo too n‑na a a min fan, mɔɛ n‑na Chisɔsi Chasi gbangban buɛ min dɔ kɔn gbengbandenɛ ma, a fa‑a nɔ.

Gboo Kadesia Ko A 5:7

Wo na‑a a kuu sɔ wan ta koe a ya ɔ ma chɛndɛ chɛ. Chɛɛ n ma a ɔ sɔn, mɔɛ min‑na a fɔ wo ye, wo ni sɛmbɛ bea koe a tea chia chɛ fɛ.

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

1 TIMOTI 3:15

ni n ma fua ni na‑a, gboo nyɛnden chɛ, ɛ a ɔ yian‑da wan i a, mɔɛ ɛ tachɛ buɛ min dɔ, Yataa 'a mɔɛ n tɛ ɔ. An mu chɔchi an na, Yataa, min mbe ee fa kuɔ fɔ ko a, a waa a, Chisian danaya kuu si tena, ni a kɔɔ sɔ kɔnɛ.

GBOO IBU MƆƐ N KO A 11:8

Ebeami na‑a a kai fa wan Yataa a, min na‑a a ma, Yataa na‑a min fɔ a ye a ma koe a, a‑a a ma. Yataa na‑a a fɔ wan Ebeami ye, mbɛ a ni bɔ a waa a, a ni ta kaina, a nii ma ta ni kaina min tee dɔndɔ wɛɛ. Yataa na‑a a too ɔ dia wan an kaina chɛ be koe a a ma, a ta a. A nii ma a ɔ sɔn, ɛ ta tena kaina min. Chɛɛ chɛ gbɛɛ ɔ, a bɔ‑a wan a 'a chɛnyɛ ɔ.

GBOO IBU MƆƐ N KO A 2:2

Koe min na mu, Yataa na‑a sawa min na ben suun maeka n na, mɔɛ n na‑a a ɔ yen fan, mbɛ tea mu. A sin, ni mɔ ɔ mɔ na‑a a yɔn, chɛ ma, a ni ko yama ma, a ni tɔɔya an dɔ bia.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.