1 PITA 4:16 - Yataa 'a Dɔbɛnɛ Nama

¹⁶ Chɛɛ ni wo‑a ko yawaenɛ ɔ bia, Chisian koe an na, wo ma mau ɛnden bɛɛ a. Chɛɛ wo ni Yataa wai bɔ, a mu min na, wo e wan Chasi tɔɛ ko a.

1 PITA 4:16 ပူးပေါင်းရင်းမြစ်များ

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 26:28

Mbɛ Mansa Akipa‑a a fɔ Pɔɔ ye, a ɔ, “I toen mu gbɛ, i ni n ma Chisianɛ a, a ɔ wuuma wuuma chɛ a. Ae?”

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

Gboo Fiipai Ko A 1:20

A mu min na, ɛ wan n 'na yiinatɛ ɔ, ni n 'na yiinachii, mbɛ n mbe ee na‑a mau‑a ɛnden bɛɛ a. Chɛɛ tima ɔ tima ko a, a bɛbɛɛ sanche, n faa ɛ sɔ‑a wan gban. Chɛ ni a ma, n 'na fɔɛ gbɛɛ ɔ, n ni na basɔmaya a Chisɔsi tena, n ni ma wan fɔɛ chɛ ɔ, chɛ ma, n ni fa wɛɛ.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

CHIMISI 2:7

An fan mbe baa bɔ tena mɔɛ chɛ tɔɛ chɛndɛ ma, Chisɔsi Chasi, min ta mu wo a.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.

1 PITA 4:19

Chɛ an fɛ mu, wo dɔ n mbe tɔɔya ɔ bia‑a wan, yɔ Yataa 'a dɔbɛnɛ‑a a fɔ buɛ min dɔ. Ni chɛ ma‑a, wo ni to wo chɛ chɛ wai chɛndɛ n kɔ, mbɛ wo‑a wo wandi kai fa gbae Yataa a, min‑na wo a dan. A ee a da a kuiɛ yɔn tee dɔndɔ wɛɛ.