1 PITA 4:11 - Yataa 'a Dɔbɛnɛ Nama

¹¹ Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 4:11 ပူးပေါင်းရင်းမြစ်များ

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

CHƆN 13:31

Chudasi bɔ‑a kɛn, a ta‑a. Mbɛ Chisɔsi ɔ, “A ɔ ma yansan to, mbɛ mɔɛ n‑na a ɔ yen, kamaya mɔɛ min mu n na, n fan, Mɔ Gbu 'a Denɛ. A ɔ ma yansan to, mbɛ n‑na a ma, Fa Yataa 'a kamaya ɔ ni yen chɛndɛ chɛ.

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

GBOO DOMI KO A 11:36

A yen ko o, Yataa an‑na fen kɔ fen na dan. Fen kɔ fen, min mbe dunya chɛ ɔ, Yataa an mbe a ma an mbe nɔ. Fen kɔ fen dunya chɛ ɔ, an mbe nɔ, Yataa tando koe an na. Dua ni ma a tɔɛ ma, kuɔ fɔ ko a. A ni ma ka.

GBOO DOMI KO A 12:3

N‑na a ɔ sɔn fan, Yataa‑a min chɛ n ye, koe min na mu a chinchin‑da wan n ma. Chɛ an fɛ mu, n mbe chɛ fɔ tena wo gbɛɛ ye, mbɛ wo ma wo wandi a sɛ, a ni ben wo e buɛ min dɔ. Chɛɛ wo e min ma, wo tea yiinachii chɛ, a si wo wandi ma. A sin, wo yiinachii chɛ, Yataa‑a min chɛ wo ye, a mu min na, wo‑a wo kai fa a a.

GBOO DOMI KO A 16:27

Mmɔ Yataa tando kuɔ fɔ ko a. An mu dechee yiimatɛ koaenɛ dɛgbɛ ɛ min dɔ, a ni ben fen kɔ fen ma. Dua ni ma a tɔɛ ma, kuɔ fɔ ko a, Chisɔsi Chasi 'a gbasaya ɔ. A ni ma ka.

GBOO DOMI KO A 3:2

Ma koe a Chu mɔɛ a, tɔnɔnɛ gbu an kɔkoo a ɔ chia sɛsɛ a. A saa mu min na, an nɛ, Yataa na‑a a 'a sakana bai gbɛɛ fɔ an fan ye.

GBOO SAA KƆYINDI KO A 10:31

Chɛ an fɛ mu, mɔ ni ma ko ɔ ko kan kɔ kan ma‑a, basɔmaya ni ma i boo ɔ Yataa ko a. A ni ma daun chɛ ko a, a ni ma fen min koe wɛɛ a.

GBOO SAA KƆYINDI KO A 12:4

Dua tana, a ma bɔ ni a nyɔn na. Chɛɛ Yataa Nyina tana sin, min mbe dua be, ɛ dɔndɔ gbe.

GBOO SAA KƆYINDI KO A 3:10

N 'na wai maen fan ni, yɔ chen sɔ mɔ wa. N fan‑na chenɛ chɛ kuu si. Yataa an‑na mɔnɛ chɛ be n ma. Mbɛ mɔ dɔ mende sin mbe ta‑a chen chɛ sɔɛ a ya ɔ ma. An fɛ mu, mɔ ɔ mɔ ni tima ya, chen chɛ sɔ buɛ a.

GBOO SAA KƆYINDI KO A 6:20

Yataa‑a wo sɔnkɔɛ bɔ wan. Chɛ ko a, wo wo gboo bia chia an na, min mbe na tando a a tena.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 9:13

A sin, wo e wai min chɛ tena ka, ɛ koe min dɔ yian tena, ɛ a ma tena wan, mɔ sɛsɛ ni basɔmaya be Yataa ma. Koe min na mu, wo‑a wo boo si wan sakana bai chɛ kɔɔ, wo e min dɔ yian, a si Chisɔsi ma. A yɛ to, wo 'a wai nyima wɛɛ ko a, wo e min chɛ an na, a basan mɔ dɔ mende n bɛɛ a.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Ɛfisɔsi Ko A 5:20

Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Ɛfisɔsi Ko A 6:10

N ni a fɔ gbɛ wo ye, mbɛ wo ɔ ni gbɛa, koe min na mu, mɔ dɔndɔɛ mu wo a, wo bɛ Mansa Chisɔsi a. Gbasaya wa min nyɔn sima ɛ a ɔ, a ni ma wo ɔ.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

Gboo Kɔdɔsai Ko A 4:6

Wo da a bai a ni dia mɔɛ n too ɔ, a ma ni kawa an ye. Chɛ ɛ a ma‑a wan, wo ni kosan mɔɛ gbɛɛ da a bai ma yɛman‑da.

Gboo Saa Tɛsadonika Ko A 2:4

Chɛɛ nn mbe koɔ wan, yɔ Yataa toen mu nn ni a 'a sakana bai chɛ fɔ buɛ min dɔ, nn sɔen mu min fɔ koe a. A‑a nn dɔ siman fan, a‑a a yen gbɛ mbɛ ɛ che wan dan‑da nn na. Nn ta wai mu min na, an nɛ, Yataa faa ma koe n ma koe a. Chɛɛ nn mbe ee mɔ gbu n faa ma koe n fan ma. An‑na nn yii ma koe n dɔ sɔn.

1 TIMOTI 1:17

Tando ni ma gbɛ Mansa Wa tɔɛ ma, basɔmaya ni be a ma kuɔ fɔ, mansa min mbe ee fa, mɔ sin mbe ee a yen. Yataa dɔndɔ gbe mu an na. A ni ma ka.

1 TIMOTI 6:16

A dɔndɔ gbe an mbe ee fa kuɔ fɔ ko a, ɛ tun man ba an dɔ, mɔ ee che gbɛn‑da manɛ min ma, a sin mɔ ɔ mɔ ma a yen nin bɛ fɔɛ ɔ, mɔ sin mbe ee che a yen‑da. Basɔmaya fea kuɔ fɔ gbasaya ni ma a ma. A ni ma ka.

TAITƆSI 2:1

Chɛɛ i tana, i wan Taitɔsi, e kanɛ min chɛ, a ni ma kan chɛndɛ an na.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.

GBOO IBU MƆƐ N KO A 5:12

Tima chɛ gbu sin na gbɛ, a ni ma‑a ko ma kawaenɛ an na, ni wo ni wan gbɛ mɔ dɔ mende n kan‑da. Chɛɛ sanche wɛɛ, mɔɔ ni mɔ dɔ mende‑a wo kan, a nama a, a si Yataa bai kuu sɔ tena ma. Wo e wan dechee yɔ den toa nu, miin mbe a kuu sɔ susu yii ma, an mbe ee daun fen dɔ gbɛama daun.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 1:26

Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.

1 PITA 4:16

Chɛɛ ni wo‑a ko yawaenɛ ɔ bia, Chisian koe an na, wo ma mau ɛnden bɛɛ a. Chɛɛ wo ni Yataa wai bɔ, a mu min na, wo e wan Chasi tɔɛ ko a.

1 PITA 5:11

Yataa gbasayaen mu kuɔ fɔ ni kuɔ fɔ ko a. A ni ma ka.