1 PITA 4:1 - Yataa 'a Dɔbɛnɛ Nama

¹ Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 4:1 ပူးပေါင်းရင်းမြစ်များ

MAKI 3:3

Mbɛ Chisɔsi‑a a fɔ kamin chɛ ye, min boo chɛ faen ni ka a ma, a ɔ, “I a sɔ, i ni na sɔ mɔɛ gbɛɛ ya kɔɔ.” Mbɛ a na‑a, a sɔ‑a an ya kɔɔ.

GBOO DOMI KO A 6:11

A chia dɔndɔ gbe chɛ a, wo wɛɛ ni wo wandi ya gbɛ mɔ faenɛ n na, ko yama 'a gbasaya ee to wo kun ma. Chɛɛ wo e gbɛ fɔɛ min dɔ, wo e Yataa an ko a, mɔ dɔndɔɛ mu gbɛ wo a Chisɔsi Chasi a.

GBOO DOMI KO A 6:2

Tea ko a, chɛ ee ma. Ni ko yama ma koe mu to, mbɛ mmɔ faenɛ mu gbɛ. Mmɔ ee kun to ma‑a fɔɛ ɔ, mmɔ ɛ ta‑a ko yama ma‑a tun tun.

GBOO DOMI KO A 6:7

A mu min na, ni mɔ gbu fa‑a, a kun ka‑a, ko yama 'a gbasaya ee to a kun ma.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 5:24

Mɔɛ chɛ n sin, miin gbɛɛ, an mbe Chisɔsi Chasi ko a, an‑na chɛ an ma. Koe gbɛɛ, min ma nyin an 'na mɔgbuya ɔ, an faa ɛ miin dɔ chɛndɛ chɛ, an‑na an gbangban kɔn gbengbandenɛ ma.

Gboo Ɛfisɔsi Ko A 6:13

Chɛ an fɛ mu, wo wo ma chii gbae, Yataa 'a chɛɛ chɛ koe a. Chɛ an mbe a ma‑a, wo ni kun sɔ‑a gban, ko yama ma tee chɛ kɔɔ. A ni a ma, wo ni butuinɛ chɛ, aan a danka a, wo e sɔ ɔ chidi.

Gboo Fiipai Ko A 2:5

Ni wo ma‑a ko ɔ ko ma‑a, wo sɔnɛ ma ka Chisɔsi Chasi ta fɛ.

GBOO IBU MƆƐ N KO A 12:3

Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.

GBOO IBU MƆƐ N KO A 4:10

Koe min na mu, mɔ ɔ mɔ, min mbe don‑da Yataa tena, a suin koe a, a mɔɛ chɛ ɛ a suin‑da wan, wai chɛ koe a. Ɛ ma‑a ka wan dechee, yɔ Yataa wɛɛ na‑a a suin buɛ min dɔ.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.