1 PITA 3:9 - Yataa 'a Dɔbɛnɛ Nama

⁹ Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 PITA 3:9 ပူးပေါင်းရင်းမြစ်များ

MATIU 19:29

Chenɛ, suun ma nyɔɛ nu, woo mɔɛ nu, denɛ nu, a basan sɛnɛ n na, an nyin fan. Chɛɛ mɔɛ min mbe an dɔndɔ wɛɛ to‑a n ko a, Yataa ɛ a kɔ‑a wan an fen chɛ a, a si tena chɛmɛ dɔndɔ ni a kun ma a a. A sin, Yataa ɛ kuɔ fɔ fɔɛ be‑a wan to a ma.

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MATIU 5:39

Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi.

MATIU 5:44

Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma.

MAKI 10:17

Chisɔsi‑a a kuu sɔ kɛn ta‑a, a bɔ an kaina chɛ, kamin dɔndɔ na‑a bui chɛ‑a, mbɛ a bea‑a a chen kɔɔ. Mbɛ a ɔ, “Ticha, i wɛn mu mɔ chɛndɛ a, n mbe fen ma, n ni kuɔ fɔ fɔɛ ma sɔn?”

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 18:18

Chu kun ti dɔndɔ na‑a wan Chisɔsi tena, mbɛ a ɔ, “Ticha, i wɛn mu mɔ chɛndɛ a, n mbe fen ma, n ni kuɔ fɔ fɔɛ ma sɔn?”

GBOO DOMI KO A 12:14

Ni mɔɛ n‑na ko ma gbaaenɛ sa wo ma, wo Yataa ɔ tisa, a ni an dua. Wo a ma ka wan gbu. Wo a ɔ tisa, a ni an dua, chɛɛ wo ma a ɔ tisa, a ni an danka.

GBOO DOMI KO A 12:17

Ni mɔɛ n‑na ko yama ma wo a, wo ma wo ta a yɛ ko yama a. Chɛɛ wo butuin chɛ, wo ni koe n ma, miin ma ɛ kawa mɔ ɔ mɔ ya a.

GBOO DOMI KO A 8:28

Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.

GBOO DOMI KO A 8:30

Chɛ an‑na a fɔ, Yataa‑a a boo sɔ ka miin ma, a‑a an chee. A sin‑na miin chee ka, a‑a an ya mɔ tandenɛ n na a wandi tena. Mɔɛ chɛ n sin ɛ miin ya mɔ tandenɛ n na, ɛ a ma‑a wan an ni a 'a basɔmaya dɔ ma sɔn.

Gboo Kadesia Ko A 3:14

Chɛ ni a ma, Chisɔsi Chasi 'a gbasaya ɔ, Yataa 'a dua min mbe Ebeami ma, a ni ma mɔɛ chɛ n kun ma, miin ma Chu mɔ a. Chɛ an mbe a ma, mmɔ ni kun Yataa Nyina ma sɔn‑da, mmɔ too ɔ dia‑a min ma sɔn koe a, ni mmɔ‑a mmɔ kai fa Chisɔsi Chasi a.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Saa Tɛsadonika Ko A 5:15

Wo a ɔ yen, mbɛ wo dɔndɔ wɛɛ ma ko yama a yɛ ko yama ko a. Chɛɛ wo a ma wo ma gbɔsɔɛ a, tima ɔ tima ko a, wo ni ko chɛndɛ ma wo nyɔn na, wo ni a ma mɔ dɔ gbɛɛ n bɛɛ a.

GBOO IBU MƆƐ N KO A 12:17

Wo‑a a ɔ sɔn fan, mbɛ chɛ gbakɔ, a toen ni a fa ni a dua, chɛɛ chɛ nii bɛn to. Koe min na mu, a na‑a chia yan fan boo ɔ boo, dua chɛ ma sɔn koe a, chɛɛ a nii ma a ma sɔn ni. A na‑a di chɛ wɛɛ, chɛɛ a nii ma che ni, ko ɔ ko ka‑a a gba ɔ.

GBOO IBU MƆƐ N KO A 6:14

Yataa na‑a a fɔ wan a 'a gboo ɔ, a ɔ, “Ko ɔ ko ee a yɔn, n mbe i dua‑a wan. N mbe a ma‑a wan, i ni ma mɔɛ a, min mbe po.”

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.