1 PITA 3:21 - Yataa 'a Dɔbɛnɛ Nama

²¹ Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.

1 PITA 3:21 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

CHƆN 13:9

Mbɛ Saimɔn Pita ɔ te gbɛ, a ɔ, “Mansa, mbɛ i ma n chen dechee ma ko, chɛɛ n boo n bɛɛ ma ko, mbɛ i‑a n kunɛ wɛɛ ɔ ko.”

CHISƆSI 'A SƆ MƆƐ NU 16:33

A tima dɔndɔ gbe chɛ kɔɔ yɛɛ chɛ ma, pimbi chen kun ma fɛn mɔɛ chɛ‑a an ya wan, mbɛ a‑a an ma gba tena n na ko fo. A sin, a ya kɔɔɛ a, Pɔɔ an fea Sidasi a, an‑na yii chɛ wan a kunɛ ɔ, Yataa chia a, a basan a 'a chen 'na mɔɛ n gbɛɛ a.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 22:16

A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

GBOO DOMI KO A 5:14

Chɛɛ a ka Adami ta tima ma, a ta Mosisi ta ma, saya 'a gbasaya ɛ wan mɔɛ gbɛɛ kun ma dunya ɔ. Mɔɛ chɛ n bɛɛ kun ma, miin gbu nii ma ko yama chɛ ma ni, Yataa da a kuiɛ yɔn koe a, yɔ Adami na‑a min ma. Chia dɔ n na, Adami chɛ bɔen fan ni mɔɛ chɛ a, mɔɛ n ya ni min ya ɔ na koe a dunya ɔ.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO SAA KƆYINDI KO A 4:6

N suun ma nyɔɛ nu Chasi ɔ, n‑na nn fandi ya tɔmɔsi a, nn fea Apɔdɔsi a, wo 'a tɔnɔnɛ an ko a. Chɛ ni a ma, Yataa 'a gboo‑a min fɔ, wo ma na tandin a ɔ. Wo ma na yonka tɛ, mɔɛ dɔndɔɛ wakoe ma, mbɛ wo tɛ‑a dɔndɔɛ sin dɔ.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kadesia Ko A 3:27

Koe min na mu, yii chɛ‑a wo gbɛɛ kunɛ ɔ Yataa chia a, wo ma koe mɔ dɔndɔɛ a Chasi a. A sin, wo‑a Chasi sɔnɛ ya gbɛ.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 11:19

Ebeami yiima a koen fan ni, mbɛ ni a‑a Aisaki fa wɛ, Yataa ɛ a ma‑a wan, a ni a kɔɔ sɔ, a ka saya ɔ. A sin, mɔ gbu ni a fɔ, mbɛ Ebeami na‑a Aisaki fɔɛ ma sɔn fan, a bɔ saya ɔ.

GBOO IBU MƆƐ N KO A 13:18

Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.