1 PITA 3:20 - Yataa 'a Dɔbɛnɛ Nama

²⁰ Mɔɛ chɛ n fan nii nɛ, miin nii ma kooya be ni Yataa ma. Yataa ni a faa bia tena wan an na, ɛ an ma kɔn‑da, tima min na Nowa ni a 'a dɛndɛ wa nyanɛ a. Mɔ kuundenɛ miin ni an dɛndɛ chɛ ɔ, an ni mɔ sɛi, yii chɛ na‑a miin baun.

1 PITA 3:20 ပူးပေါင်းရင်းမြစ်များ

MATIU 7:14

Chɛɛ chia chɛ dɔɔ gba, chia min mbe ma‑a mɔ ni kuɔ fɔ fɔɛ ma sɔn. An chia chɛ ɔ gbɛ tachɛ koe a. A sin, mɔ sɛsɛ n fan mbe ee ta‑a a a.”

DUKU 12:32

Chisɔsi ɔ, “Wo wɛn mbe n fɛ, wo ma kɔkoo, chɛɛ wo ma chian. A a di wan Fa Yataa ye, na koe a wo a, a 'a mansaya kɔɔ.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

GBOO DOMI KO A 9:22

Yataa‑a koe min ma, a wɛɛ ɛ ka wan. A toen ni a ni a ɔ yian, a faa ɛ tɛ buɛ min dɔ. A yɛ to, an ni a ɔ sɔn, a gbasayaen mu buɛ min dɔ. Chɛɛ chɛ gbɛɛ ɔ, a na‑a a faa bia wan mɔɛ chɛ n na, a ni na tena miin tɔɔya‑a, miin ma bɛndenɛ ni gbɛ kasaa koe a.

Gboo Ɛfisɔsi Ko A 5:26

A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 1:9

Koe min na mu, wo e ka bauncha an ma sɔn‑da kuɔ fɔ ko a. Kaifa chɛ gbu sin wo ɔ, a kaen mu chɛ an ma.

1 PITA 2:25

A saa a, wo ni wan ben‑da wo kun ye, yɔ sa miin toenɛ a ɔ. Chɛɛ wo ya a yɛ‑a gbɛ Yataa ma, min mbe wo kun ma fɛn.

1 PITA 3:19

A tima chɛ a, mbɛ a ta‑a koɔ‑a faa mɔɛ n tena, miin nyina ni pimbi chenɛ a.

1 PITA 4:19

Chɛ an fɛ mu, wo dɔ n mbe tɔɔya ɔ bia‑a wan, yɔ Yataa 'a dɔbɛnɛ‑a a fɔ buɛ min dɔ. Ni chɛ ma‑a, wo ni to wo chɛ chɛ wai chɛndɛ n kɔ, mbɛ wo‑a wo wandi kai fa gbae Yataa a, min‑na wo a dan. A ee a da a kuiɛ yɔn tee dɔndɔ wɛɛ.

2 PITA 2:5

Mmɔ‑a a ɔ sɔn fan, mbɛ Yataa nii ma mɔɛ chɛ n bɛɛ to ni nɔ, miin ni suun. A na‑a an na mɔnɛ wan yii fa a, an fan Yataa sɔn bai chɛ nu. A na‑a mɔ wɔnfea an fan kunɛ bɔ a ɔ, a basan Nowa a, min ni mɔɛ n kan an ni tan Yataa tena.

2 PITA 3:15

Chɛ an fɛ mu, faabia chɛ, mmɔ 'a mansa‑a min chɛ, wo a ya ka buɛ chɛ ɔ. Mbɛ ɛ ka tima an be‑a mɔɛ n ma, bauncha ma sɔn koe a. Ɛ wan dechee yɔ mmɔ suun ma nyɔɛ Pɔɔ, min ko a di mmɔ ye, a na‑a min nyɛn wo tena. Yataa sin na‑a yiimatɛ min chɛ a ɔ, a na‑a an na wai ka.