1 PITA 3:18 - Yataa 'a Dɔbɛnɛ Nama

¹⁸ An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 PITA 3:18 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MATIU 27:24

Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

GBOO DOMI KO A 4:25

Chisɔsi be‑a wan, fa koe a mmɔ 'a ko yama n ko a. A sin, a kɔɔ sɔ‑a wan, a ka saya ɔ, min mbe a ma, Yataa ni mmɔ ya mɔ tandenɛ n na.

GBOO DOMI KO A 5:2

Mmɔ 'a danaya chɛ ko a Yataa a, Chasi‑a a ma, mmɔ boo kun‑da Yataa 'a koadia deman chɛ ma, min mbe ka mmɔ ko a sanche. Mmɔ ɛ buɔdia bɔ wan gbɛ sanche, koe min na mu, mmɔ yii na tɛen fan mu gbɛ, mbɛ Yataa sɔnɛ dɔ ɛ ma‑a wan mmɔ ɔ ya ɔ ma.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

GBOO FEAN BƆƐ KƆYINDI KO A 13:4

Koe min na mu, tima min na an ni Chasi gbangban tena kɔn gbengbandenɛ ma, a fa koe a, a nii ma gbasaya yian ni. Chɛɛ ɛ tun fɔɛ ɔ, Yataa 'a gbasaya ɔ. Chɛ an fɛ mu, gbasaya ee nn bɛɛ boo ɔ, nn mu ka buɛ min dɔ mɔ dɔndɔɛ n na Chasi a. Chɛɛ wo e a ɔ yen‑da wan, Yataa 'a gbasaya ɔ, nn mbe fɔɛ ɔ, nn bɛ Chasi a, wai chɛ koe a wo ko a.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

GBOO IBU MƆƐ N KO A 9:26

A ni ma‑a chɛ ma‑a, a ni na‑a wan fa‑a, gba sɛsɛ ko a, a ka dunya kuu sɔ tima ma. Chɛɛ sanche gbɛ, dunya e na to ban‑da, Chasi bɔ‑a mɔɛ n tɛ, gba dɔndɔ gbe ko a, a sin, a danka an nɛ. A na‑a a wandi be wan, mɔɛ n bɔ koe a ko yama n dɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

CHIMISI 5:6

Wo‑a kaa a tɛ, wo‑a mɔɛ chɛ n fa, miin ma ko ɔ ko ma ni. An sin nii ma sɔ ni wo a, wo ni an fa tena tima min na.

1 PITA 3:19

A tima chɛ a, mbɛ a ta‑a koɔ‑a faa mɔɛ n tena, miin nyina ni pimbi chenɛ a.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 4:6

Chɛ an na‑a a ma, sakana bai chɛndɛ chɛ na‑a sa chɛ n bɛɛ tena, miin na‑a fa. Chɛ na‑a ma, min mbe a ma, ni an gboo na‑a tɔɔya wɛɛ saya a, an nyina ni ma nɔ fɔɛ ɔ, yɔ Yataa ɛ buɛ min dɔ.

1 CHƆN 1:9

Chɛɛ ni mmɔ dɔn‑da a ma, mbɛ mmɔ‑a ko yama ma wan, Yataa danayaen mu, ɛ na‑a tea koe an ma‑a. Ɛ a boo bɔ‑a wan mmɔ 'a ko yama n dɔ, mbɛ a‑a mmɔ ko mmɔ 'a ko yama n gbɛɛ n dɔ, mmɔ ni gbɛ fo.