1 PITA 3:17 - Yataa 'a Dɔbɛnɛ Nama

¹⁷ A mu koe min na, a ma bɛnden mu mɔ ni tɔɔya ɔ bia ko chɛndɛ fɛ, ni Yataa‑a a fɔ ka wan, a ben tɔɔya ɔ bia koe ma ko yama ko a.

1 PITA 3:17 ပူးပေါင်းရင်းမြစ်များ

MATIU 26:39

Mbɛ a ka‑a wan an baima ɛnden na, mbɛ a‑a a wandi ɔ fuin duu ma susu gbuu, a bun‑da samunɛ chɛ‑a. A ɔ, “Fa, ni ɛ bɛn fan, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

MATIU 26:42

Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.”

CHISƆSI 'A SƆ MƆƐ NU 18:21

Chɛɛ a ni kɛn a saa an na, a‑a bai chɛ an fɔ an ye, a ɔ, “Ni Yataa dɔn‑da, n mbe yɛ‑a wan to wo tena.” Mbɛ a si‑a dɛndɛ ɔ, a ka Ɛfisɔsi, mbɛ a ta‑a.

CHISƆSI 'A SƆ MƆƐ NU 21:14

Nn sin‑na a ɔ yen kɛn, mbɛ nn nii che a yiima mun‑da, nn bɛɛ sɛmbɛ‑a. Nn dɔ, Mansa Chisɔsi faa ma koe ni ma.

1 PITA 1:6

Chɛ ni ma buɔdia a wo ma. Buɔdia chenama wa ni ma wɛɛ wo ma ya ɔ ma, chɛɛ tima ɛnden ko a, wo e na‑a wan ma‑a faayɔnɛ ɔ. Koe min na mu, wo e ko gbɛama sɛsɛ n dɔ bia‑a wan.

1 PITA 2:15

Yataa toen mu, chɛ an ni ma. Wo 'a ko chɛndɛ ni a ma, baa baa mɔɛ chɛ n ni an da a tɔn, wooya bai n fɔ koe a wo ma.

1 PITA 2:20

Koe min na mu, ni wo‑a wo gbasi koe ma, mbɛ an‑na wo gbasi, wo ee tɔnɔn sɔn a ɔ. Chɛɛ ni wo‑a ko chɛndɛ ma, mbɛ wo‑a ko yawaenɛ ɔ bia a ko a, ɛ Yataa faa chima‑a wan.

1 PITA 3:14

Chɛɛ ni wo‑a tɔɔya ɔ bia wɛɛ, ko chɛndɛ ma gbaa chia a, dua wa mu wo ma. Mɔ ɔ mɔ ma a ma chianɛ ni ma wo ɔ, wo sin faa ma gbaa a.

1 PITA 4:15

Ni wo dɔndɔ wɛɛ ma‑a ko yawaenɛ ɔ bia‑a, a ma ma mɔ fa ko a. A ma ma to kanka chɛ koe wɛɛ a. A yɛ to, ko yama dɔ gbɛɛ ma koe a, chɛ ma, wo da chɛ koe a mɔ dɔ mende n 'na koe ɔ.

1 PITA 4:19

Chɛ an fɛ mu, wo dɔ n mbe tɔɔya ɔ bia‑a wan, yɔ Yataa 'a dɔbɛnɛ‑a a fɔ buɛ min dɔ. Ni chɛ ma‑a, wo ni to wo chɛ chɛ wai chɛndɛ n kɔ, mbɛ wo‑a wo wandi kai fa gbae Yataa a, min‑na wo a dan. A ee a da a kuiɛ yɔn tee dɔndɔ wɛɛ.