Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PITA 3:11 - Yataa 'a Dɔbɛnɛ Nama

11 A ni a kan kɔ sɔ ko yama ma a, a ni ko chɛndɛ ma. A ni yɛ, a ni butuinɛ chɛ, a faa gbɛɛ a, faachima ko a.

အခန်းကိုကြည့်ပါ။ ကော်ပီ




1 PITA 3:11
37 ပူးပေါင်းရင်းမြစ်များ  

Ni wo‑a chɛ ma, wo e ma‑a wan Fa Yataa, min mbe banda bu ɔ, a gbɔgbɔɔ denɛ n na. Koe min na mu, a wan Yataa dɔndɔ gbe chɛ, an mbe a ma, mɔ yama n mbe tee ma sɔn, an basan mɔ chɛndɛ n bɛɛ a. Ɛ a ma wan to, mbɛ mɔɛ chɛndɛ n‑na sona ma sɔn, an basan mɔ yama n bɛɛ a.


“Mɔɛ miin mbe mɔɛ n tɛ ɔ bɛn, an duaen mu. Yataa ɛ an ya‑a wan a 'a denɛ n na.


I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”


Koe min na mu, yɔn tɔɛ n tana, wo bɛ an mbe ma‑a an na tima ɔ tima ko a. A sin, ni wo toen mu, wo ni ko chɛndɛ ma an na tima ɔ tima, wo e a ma wan. Chɛɛ n tana, n mbe ee ma‑a wo tɛ ɔ tima ɔ tima ko a.


Mɔɛ miin mbe saya pimbi pimbi ɔ, ɛ an bɔ‑a wan a ɔ. Ɛ manɛ be‑a wan an ma, a ta faachima fɔɛ ɔ.”


Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.


Mbɛ Chisɔsi ɔ, “A nyin fan, mmɔ ni a ɔ sɔn, mmɔ 'a sawa dɔnden mu fen ma suin tee ma. Mmɔ 'a sawa dɔnden fan mu mɔ ni mɔɛ baun, a ben a fa koe ma. Mmɔ 'a sawa dɔnden fan mu to mɔ ni ko chɛndɛ ma, a ben ko yama ma koe ma.”


N mbe ee samunɛ chɛ tena gbɛ, min mbe a ma, i ni an bɔ dunya chɛ ɔ. Chɛɛ n mbe a chɛ tena, i ni an kun ma fɛn Sitana boo ɔ, nyina yama chɛ.


Wo ta nan gbu, wo butuin chɛ chia ɔ chia a, wo ni ma faachima ɔ mɔ ɔ mɔ a.


Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.


Chɛ an fɛ mu, tima ɔ tima ko a, mmɔ butuin chɛ an koe chɛ n fan ma koe a. Koe chɛ nu, miin mbe na faachima a mɔɛ n tɛ ɔ, an sin mbe a ma to, mmɔ ɛ mmɔ nyɔn dɔ gbɛa, mmɔ 'a danaya ɔ Yataa a.


Chɛ an fɛ mu, mmɔ ya‑a mɔ tandenɛ n na, mmɔ 'a danaya ko a Yataa a. Chɛ an‑na a fɔ gbɛ, mmɔ 'a mansa Chisɔsi Chasi‑a a ma, mmɔ ɛ faachima ɔ Yataa a.


N mbe ee ko chɛndɛ ma, n toen mu n ni min ma. Chɛɛ min mbe ma, n mbe ko yama an ma, n ma to ni n ni min ma.


Mbɛ chɛ‑a a ɔ yian gbɛ n na, mbɛ ɛ ma tena ka wan n ta fɔɛ ɔ. N toen mu bɛɛ n ni ko chɛndɛ ma, koe min ma nyin a ma koe a, n mbe an ya a ma koe a.


Mɔɛ yii ma ma koe a, gbasaya kɔɔ, mɔgbuya ɔ min ma nyin, ɛ na saya an na. Chɛɛ mɔɛ yii ma ma koe a Yataa Nyina 'a gbasaya kɔɔ, ɛ na kuɔ fɔ fɔɛ an na, a basan faachima a.


Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.


Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.


Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.


N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.


Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.


Wo ma nyina ko chɛndɛ ma koe a, a basan wo nyɔn deman koe a. Koe min na mu, koe n fan nɛ miin mu yasi a, Yataa faa chima koe a.


A ni ma wo yii ma, ni mɔ‑a a ɔ sɔn, e koe min ma, min nyin, chɛɛ i sin ma an koe chɛ ma ni, ko yama mu a a.


Koe min na mu, Mansa Yataa ɛ mɔɛ chɛ n kun ma fɛn‑da wan, miin tanden mu a tena. A sin mbe a too ma sɔ tena wan an 'na samunɛ ma. Chɛɛ ɛ mɔɛ chɛ n ma bɔ tena wan, miin mbe ko yama ma.”


N dia nyɔɛ, i ma bea mɔɛ n fɛ, miin mbe ko yama ma. Chɛɛ bea chɛ n fan fɛ, miin mbe ko chɛndɛ ma. Mɔ ɔ mɔ min mbe koe ma min nyin, Yataa 'a mɔɛ mu. Chɛɛ mɔ ɔ mɔ min mbe koe ma, min ma nyin, a ma Yataa sɔn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ