1 PITA 3:1 - Yataa 'a Dɔbɛnɛ Nama

¹ A chia dɔndɔ gbe chɛ a, wo wɛɛ, wo wɛn mu kai sɔn musu n na, wo don wo chɛɛ n 'na gbasaya kɔɔ. Yataa da a bai chɛ, kɔkɔɛ an dɔ n mbe ban‑da wan an boo si koe a a kɔɔ. Ni chɛ ma‑a wɛɛ, wo e ma‑a ka Yataa fɔɛ min dɔ, ɛ an mun‑da wan Yataa tena, a ben wo da a bai ma.

1 PITA 3:1 ပူးပေါင်းရင်းမြစ်များ

MATIU 18:15

Mbɛ Chisɔsi ɔ, “Wo wɛn mbe ka n fɛ, ni i bɔɛ‑a ko yama ma i a, ta a tena wo fea gbe a, mbɛ i‑a a ɔ yian a a, a‑a koe min ma i a. Ni a dɔn‑da a 'a ko yama ma gba chɛ ma, mbɛ wo fea ma‑a to a a kuiɛ dɔndɔɛ ɔ.

GBOO DOMI KO A 10:16

Chɛɛ mɔɛ gbɛɛ ma, miin‑na an boo si sakana bai chɛndɛ chɛ kɔɔ. Kai Aisaya wandi gbu na‑a a fɔ wan, a ɔ, “Mansa Yataa, mɔ ɔ mɔ ma dan ni nn 'na sakana bai a, nn‑na min fɔ.”

GBOO DOMI KO A 6:17

Wo ni tee yɔnɛ n fan na, wo 'a ko yama n boo ɔ. Chɛɛ n mbe Yataa wai bɔ wan gbɛ wo ko a. Koe min na mu, wo‑a kooya be wo faa gbɛɛ a, wo‑a a be tea chɛ a min koe a, min mbe kan chɛ ɔ, Yataa‑a wo don kanɛ min kɔɔ.

GBOO DOMI KO A 7:2

A tɔmɔsi yen ko, min mu fuu musu a. Musu si sawa, ɛ an kɔɔ a chɛɛ tena, an mbe wɛ tima min na fɔɛ ɔ. Chɛɛ ni a chɛɛ fa‑a, mbɛ sawa chɛ‑a a boo ka musu chɛ ma fion a wandi ko a.

GBOO SAA KƆYINDI KO A 11:3

Chɛɛ n toen mu wo ni a ɔ gbɛ, mbɛ musu kan kɔ kan kun ti mu a chɛɛ an na. Mɔ gbu kan kɔ kan sin dunya ɔ, a kun ti mu Chasi an na. Chasi sin kun ti mu Yataa an na.

GBOO SAA KƆYINDI KO A 14:34

mbɛ musu n koɔ koe chɔchi ɔ, ko ma kawaen ma, an ni an ma maun don bɛnɛ ɔ. Chɛɛ yɔ Chu mɔɛ n 'na sawa‑a a fɔ buɛ min dɔ, an ni ma kooya gbee an na.

GBOO SAA KƆYINDI KO A 7:16

Wo wɛn mu fuu musu n na, n ni a fɔ wo ye, mbɛ kɔkɔɛ wo chɛɛ n mbe an kai fa‑a wan Chisɔsi Chasi a, a si wo wakoe ma. A chia dɔndɔ gbe chɛ a, kɔkɔɛ wo wan Chisian kai n bɛɛ, wo e ma‑a ka wan demanɛ a wo 'a musu n tena, miin ma Chisianɛ n na.

Gboo Ɛfisɔsi Ko A 5:33

Chɛɛ chɛ gbɛɛ ɔ, bai chɛ n mbe wan wo wɛɛ ko a. Mɔ ɔ mɔ ni to a 'a musu a, yɔ a toen mu buɛ min dɔ a wandi gbu a. Musu n sin, an ni a ɔ yen, mbɛ chianɛ ɛ wan an dɔ, an chɛɛ n ko a.

Gboo Kɔdɔsai Ko A 3:18

Wo wan fuu musu nu, wo don wo chɛɛ n kɔɔ, yɔ a ma biaen mu buɛ min dɔ musu ko a, miin mu mɔ dɔndɔɛ a, an bɛ Mansa Chisɔsi a.

Gboo Kɔdɔsai Ko A 4:5

Mɔɛ chɛ nu, miin nii ma an kai fa ni Chisɔsi a, ni wo‑a chia ɔ chia ma sɔn, Chasi wakoe ɔ yian koe a an na, wo wo sɔɛ gbɛɛ chɛ a ɔ.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

GBOO IBU MƆƐ N KO A 11:8

Ebeami na‑a a kai fa wan Yataa a, min na‑a a ma, Yataa na‑a min fɔ a ye a ma koe a, a‑a a ma. Yataa na‑a a fɔ wan Ebeami ye, mbɛ a ni bɔ a waa a, a ni ta kaina, a nii ma ta ni kaina min tee dɔndɔ wɛɛ. Yataa na‑a a too ɔ dia wan an kaina chɛ be koe a a ma, a ta a. A nii ma a ɔ sɔn, ɛ ta tena kaina min. Chɛɛ chɛ gbɛɛ ɔ, a bɔ‑a wan a 'a chɛnyɛ ɔ.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 3:2

Koe min na mu, an mbe a ɔ yen‑da wan wo sɔnɛ nyin buɛ min dɔ Yataa chen kɔɔ, wo sin chianden mu ka wan to a ma.

1 PITA 3:7

A chia dɔndɔ gbe chɛ a to, wo wan mɔ kaima n bɛɛ ni baa be wo 'a musu n ma. A ni ma wo yii ma, mbɛ wo ɔ gbɛ a ben an ma. Chɛɛ fɔɛ nama ta fɛ chia a, wo e min ma sɔn‑da, wo a kanden fan mu Yataa tena. Chɛ an fɛ mu, wo wo 'a musu n bia chɛndɛ chɛ, wo bɛ an mbe Yataa 'a koadia demanɛ chɛ ma sɔn‑da. Ni wo‑a chɛ ma, ko ɔ ko ee wo 'a samunɛ ka‑a a chia ma.

1 PITA 4:17

Koe min na mu, Yataa 'a kaa a tɛ tee ɔ ma yansan to. A sin mbe kaa a tɛ kuu sɔ‑a mmɔ wan ma, a ta mɔɛ nu. Mɔɛ chɛ n sin, miin mbe ee don Yataa 'a sakana bai chɛndɛ kɔɔ, an ta ma ɛ chian‑da wan.