1 PITA 2:8 - Yataa 'a Dɔbɛnɛ Nama

⁸ Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

1 PITA 2:8 ပူးပေါင်းရင်းမြစ်များ

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

GBOO DOMI KO A 9:22

Yataa‑a koe min ma, a wɛɛ ɛ ka wan. A toen ni a ni a ɔ yian, a faa ɛ tɛ buɛ min dɔ. A yɛ to, an ni a ɔ sɔn, a gbasayaen mu buɛ min dɔ. Chɛɛ chɛ gbɛɛ ɔ, a na‑a a faa bia wan mɔɛ chɛ n na, a ni na tena miin tɔɔya‑a, miin ma bɛndenɛ ni gbɛ kasaa koe a.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO FEAN BƆƐ KƆYINDI KO A 2:16

Mɔɛ chɛ nu, miin mbe kasaa tena, an mu fen kunyɛ yama an na, min mbe na saya a. Chɛɛ mɔɛ chɛ n tana, miin mbe bauncha ma sɔn tena, kunyɛ a diama mu, min mbe fɔɛ be. Mɔ bonda chɛ sima ee to nɔ gbɛ, min mbe kun ko bonda chɛ sima ma koe ma, a ta gbasaya a.

Gboo Kadesia Ko A 5:11

Chɛɛ n suun ma nyɔɛ nu Chasi ɔ, n tana, n‑na n boo bɔ kanɛ chɛ koe a, mbɛ ni mɔɛ a ma kamincha ni, a ee ya mɔ tandenɛ a Yataa tena. Chɛ an fɛ mu, an mbe tun ko yawaenɛ sa‑a n ma. Ni chɛ sin ko a mu, Chu mɔɛ n faa nii tɛ‑a n ma, ni n ni mɔɛ n kan, a si an na kamincha koe an ma. Chɛɛ n mbe mɔɛ n kan, a si Chisɔsi 'a saya an ma, kɔn gbengbandenɛ ma.

Gboo Saa Tɛsadonika Ko A 5:9

Yataa ma mmɔ ya ni a ta mɔɛ n na, a ma koe an na, a ni faa tɛ‑a bɔ mmɔ ma, mmɔ ni tɔɔya ɔ bia. Chɛɛ a ma koe mu, mmɔ ni bauncha ma sɔn, a ka mmɔ 'a mansa Chisɔsi Chasi a.

1 PITA 2:6

A mu min na, Yataa 'a gboo‑a a fɔ wan, a ɔ, “A yen ko, n 'na senɛ si Sayɔn duu ɔ. Senɛ ma kawaenɛ an nɛ, senɛ kuu ba gbu, n‑na n boo sɔ a ma. Chɛɛ mɔ ɔ mɔ, i wɛn mbe i kai fa‑a a a, i mɔɛ chɛ ee che‑a mau‑a”

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

2 PITA 2:3

Fania kan chɛ mɔɛ chɛ n fen ko yaen mu kaka. Chɛ an mbe a ma, an mbe tai n dɔ bɛn bɛn a fɔ koe a wo ye, min mbe na tɔnɔnɛ a an tena. Chɛɛ Yataa wɛn mbe kaa a tɛ tena an bakoe ma, a ni an tɔɔ, a ɔ mɛen mu gbɛ, a ma bɛndenɛ ɛ. A sin mbe an kasaa tena wan, a ee chinɔɛ ɔ ɛnden bɛɛ a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.