1 PITA 2:7 - Yataa 'a Dɔbɛnɛ Nama

⁷ Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

1 PITA 2:7 ပူးပေါင်းရင်းမြစ်များ

MATIU 21:42

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, a 'a gboo kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a. Yataa an‑na chɛ ma. A sin mu kamaya koe an na mmɔ ya a.’ ”

DUKU 2:32

Manɛ mu a a, mɔɛ n gbɛɛ tena, miin ma i sɔn tee, an ni i sɔn. Ɛ a ma‑a wan, basɔmaya wa ni ma i 'a mɔɛ n ma, nn fan Isɔɛɛ mɔɛ nu.”

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

DUKU 20:17

Chɛɛ Chisɔsi‑a mɔɛ chɛ n ma fɛn fan, mbɛ a ɔ, “Ni wo‑a a fɔ, wo ɔ, gbuama bai an nɛ, mbɛ fen mu a nyɛndenɛ ɛ Yataa 'a gboo ɔ, mbɛ ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.’

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHISƆSI 'A SƆ MƆƐ NU 26:19

“Chɛ an fɛ mu, Mansa Akipa, n nii ma koe chɛ kɔɔsa bia ni, n‑na min dɔ yen, a ka banda bu ɔ, yɔ n ni cho ɔ wan.

GBOO DOMI KO A 10:21

Chɛɛ min sien ni Isɔɛɛ mɔɛ n ma, Aisaya na‑a a fɔ wan, mbɛ an sɔen fan mu Yataa a kan, a ɔ, an mbe ee kooya be tena Yataa ma. A ɔ, chɛɛ Yataa na‑a butuin chɛ wan a sɔɛ gbɛɛ a, a ɔ, min mbe a ma, an ni ma faachima ɔ.

GBOO DOMI KO A 15:31

Wo samunɛ chɛ n ko a, min mbe a ma, mɔɛ miin ma dan ni ka Chisɔsi Chasi a Chudia chɛnyɛ ɔ, an ma na ko yama ma n na. A yɛ to, Yataa 'a mɔɛ miin mbe Chuusaɛn duu ɔ, n mbe demanɛ min chɛ‑a an na, an bu ɔ ni dia a ko a.

GBOO FEAN BƆƐ KƆYINDI KO A 2:16

Mɔɛ chɛ nu, miin mbe kasaa tena, an mu fen kunyɛ yama an na, min mbe na saya a. Chɛɛ mɔɛ chɛ n tana, miin mbe bauncha ma sɔn tena, kunyɛ a diama mu, min mbe fɔɛ be. Mɔ bonda chɛ sima ee to nɔ gbɛ, min mbe kun ko bonda chɛ sima ma koe ma, a ta gbasaya a.

Gboo Kɔdɔsai Ko A 2:10

A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

GBOO IBU MƆƐ N KO A 11:31

Daabi na‑a a kai fa wan Yataa a. Chɛ na‑a a ma wan, a ni wɛɛ duu dia a, kanda chɛ na‑a bɔn tima min na, a kun ma to ni a ɔ. Koe min na mu, a na‑a a boo si wan mɔɛ chɛ n kɔɔ, miin na‑a na da tɛ chɛ tena. Mɔɛ tɔɛ n tana, miin nii Yataa da a kuiɛ ma, an kasaa‑a wan.

GBOO IBU MƆƐ N KO A 4:11

Chɛ an fɛ mu, mmɔ butuin chɛ, mmɔ ni don an suin tena chɛ. Mmɔ butuin chɛ, mmɔ dɔndɔ wɛɛ ma na bea. Mmɔ ma na bɔ chɛ n gba ɔ, danaya nii miin dɔ.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

1 PITA 2:4

Wo na Chisɔsi tena. An mu senɛ chɛ a, min mbe fɔɛ ɔ. Mɔ gbu n ban‑da wan a ɔ, chɛɛ Yataa tana, a ma kawaen mu a tena, a sin‑na a boo sɔ a ma.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.