1 PITA 2:5 - Yataa 'a Dɔbɛnɛ Nama

⁵ Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 2:5 ပူးပေါင်းရင်းမြစ်များ

GBOO DOMI KO A 12:1

N bɔ Chisianɛ nu, Yataa 'a chinchincha koo mmɔ tena. Chɛ an fɛ mu, n mbe wo disa tena, min mbe a ma, wo ni wo wandi be a 'a wai ko a. Wo ni ma tenchen an ko a. Wo wo fɔɛ gbɛɛ be a ma, wo ni ma yasi a a ko a, min mbe na faachima a a tena. Chia chɛndɛ gbu sin mu chɛ an na, Yataa fai koe a.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO SAA KƆYINDI KO A 3:16

Wo gbu sin‑na a ɔ sɔn fan, mbɛ wo gbɛɛ mu Yataa 'a chenɛ an na. A sin, Yataa Nyina ɛ wan wo tɛ ɔ.

GBOO SAA KƆYINDI KO A 3:9

Koe min na mu, nn mbe wai chɛ tena Yataa an ko a. Wo sin, wo e wan yɔ wo e a 'a yadi ɔ wan. A yɛ to, wo e wan bɛɛ yɔ a 'a chen sɔenɛ.

GBOO SAA KƆYINDI KO A 6:19

Wo ni a ɔ sɔn, mbɛ wo gboo mu Yataa Nyina 'a chenɛ n fan na, miin mbe tenchen a ko a. Yataa an‑na an Nyina chɛ be wo ma, an ni ma wo fɛ. Wo ee wo wandi an ko a, chɛɛ wo e Yataa an ko a.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Fiipai Ko A 4:18

N‑na fen kɔ fen ma sɔn fan, wo‑a miin na na n ye. A sin, n yii nii min dɔ, n‑na an gbu ma sɔn. N mbe wo wai bɔ tena, wo 'a samba fen chɛ n ko a, n‑na miin ma sɔn, a ka Ɛpafɔditɔsi a. A‑a a bɔ n ko a, chɛndɛ chɛ. An samba fen chɛ, ɛ wan dechee yɔ yasi, min kunyɛ a di, a sin, a ko a di Yataa ye, a sin, Yataa toen fan mu a a.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

1 TIMOTI 3:15

ni n ma fua ni na‑a, gboo nyɛnden chɛ, ɛ a ɔ yian‑da wan i a, mɔɛ ɛ tachɛ buɛ min dɔ, Yataa 'a mɔɛ n tɛ ɔ. An mu chɔchi an na, Yataa, min mbe ee fa kuɔ fɔ ko a, a waa a, Chisian danaya kuu si tena, ni a kɔɔ sɔ kɔnɛ.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 4:17

Koe min na mu, Yataa 'a kaa a tɛ tee ɔ ma yansan to. A sin mbe kaa a tɛ kuu sɔ‑a mmɔ wan ma, a ta mɔɛ nu. Mɔɛ chɛ n sin, miin mbe ee don Yataa 'a sakana bai chɛndɛ kɔɔ, an ta ma ɛ chian‑da wan.

KO Ɔ NUNDENƐ 1:6

A‑a mmɔ ma mɔɛ n na, miin mbe a 'a mansaya kɔɔ, tɛ mɔɛ n mu miin na Yataa ko a. A wan mu Chisɔsi fa a, ni a 'a Yataa. Basɔmaya ni ma Chisɔsi Chasi ma, gbasaya ni ma a boo ɔ, kuɔ fɔ ni kuɔ fɔ. A ni ma ka.

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 5:10

I‑a an ma mɔɛ n na, Yataa 'a mansaya kɔɔ, tɛ mɔɛ mu miin na, miin mbe ma‑a mansa a dunya chɛ kun ma.”