1 PITA 2:4 - Yataa 'a Dɔbɛnɛ Nama

⁴ Wo na Chisɔsi tena. An mu senɛ chɛ a, min mbe fɔɛ ɔ. Mɔ gbu n ban‑da wan a ɔ, chɛɛ Yataa tana, a ma kawaen mu a tena, a sin‑na a boo sɔ a ma.

1 PITA 2:4 ပူးပေါင်းရင်းမြစ်များ

MATIU 11:28

“Wo wɛn kanɛ ɔ faenɛ ɛ wo 'a suun fanka ma kɔɔ, wo na n tan. Wo na, n mbe wo deman, wo ni wo suin.

MATIU 12:18

Yataa 'a bai chɛ, Aisaya na‑a min na ben, a ɔ, “Mɔɛ yen ko, n‑na n boo sɔ min ma, n 'na wai chɛ koe a. A ko a di n ye, a sin a wakoe‑a n faa chima to. N mbe n Nyina bea‑a wan a fɛ. Ɛ a ɔ yian‑da wan mɔɛ n gbɛɛ a dunya ɔ, mbɛ n fan Yataa, mabɔ ee n 'na kaa tɛenɛ ma.

MATIU 21:42

Mbɛ Chisɔsi ɔ, “Ɛ wan n yii ma, mbɛ wo‑a a kan fan Yataa 'a gboo ɔ, a 'a gboo kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a. Yataa an‑na chɛ ma. A sin mu kamaya koe an na mmɔ ya a.’ ”

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 5:26

N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:57

Fa min mbe fɔɛ be, an‑na n sɔ dunya chɛ ɔ, a sin fan‑na a ma to, n mbe fɔɛ ɔ. A chia dɔndɔ gbe chɛ a, mɔ ɔ mɔ min mbe n gboo daun‑da, n bɛɛ, n mbe a ma‑a ka wan, an ni ma fɔɛ ɔ.

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO SAA KƆYINDI KO A 3:11

Koe min na mu, mɔ ɔ mɔ ee an chen chɛ kuu sɔ, ni a ma a kuu si ni Chisɔsi Chasi a.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 1:4

Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.