1 PITA 2:24 - Yataa 'a Dɔbɛnɛ Nama

²⁴ Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 2:24 ပူးပေါင်းရင်းမြစ်များ

MATIU 27:26

Mbɛ Kɔfana Padeti‑a a boo ka Baabasi a an ye. Mbɛ a‑a a ma kɛn an‑na Chisɔsi boan pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

MATIU 5:20

N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”

MATIU 8:17

A 'a mɔ baun buɛ chɛ, a na‑a a ma wan, Yataa 'a gbonka chɛ mɔɛ Aisaya na‑a min fɔ suun, a bɔ‑a a a. Aisaya na‑a a fɔ wan, a ɔ, “A‑a mmɔ bɔ wan mmɔ 'a gbandi n gbɛɛ ɔ.”

MAKI 15:15

Mbɛ Kɔfana Padeti‑a a boo ka wan Baabasi a, fanka fanka chɛ faa chima koe a. Mbɛ a‑a a ma, an‑na Chisɔsi gbasi bosa a pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHƆN 19:1

Mbɛ Kɔfana Padeti‑a a ma, an‑na Chisɔsi boan chɛndɛ chɛ.

CHISƆSI 'A SƆ MƆƐ NU 10:35

Chɛɛ mɔ gbu kan kɔ kan dunya chɛ ɔ, i wɛn mbe chian Yataa ma, mbɛ i‑a a faa ma koe ma, ɛ a boo si‑a wan i mɔɛ chɛ kɔɔ.

CHISƆSI 'A SƆ MƆƐ NU 10:39

Siiya mu nn fan na, a si koe chɛ n gbɛɛ ma, a‑a miin ma Chu mɔɛ n 'na chɛnyɛ ɔ, ni Chuusaɛn duu ɔ. An na‑a a gbangban fan kɔn gbengbandenɛ ma, a fa‑a nɔ.

CHISƆSI 'A SƆ MƆƐ NU 13:29

An sin ban‑da wan koe chɛ n gbɛɛ a tachɛ‑a Chisɔsi a, yɔ a na‑a a fɔ buɛ min dɔ, a si a ma Yataa 'a gboo ɔ. Mbɛ an‑na a a yii kɔn chɛ ma, an‑na a tɔn.

CHISƆSI 'A SƆ MƆƐ NU 5:30

Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.

GBOO DOMI KO A 6:11

A chia dɔndɔ gbe chɛ a, wo wɛɛ ni wo wandi ya gbɛ mɔ faenɛ n na, ko yama 'a gbasaya ee to wo kun ma. Chɛɛ wo e gbɛ fɔɛ min dɔ, wo e Yataa an ko a, mɔ dɔndɔɛ mu gbɛ wo a Chisɔsi Chasi a.

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO DOMI KO A 6:16

Mmɔ‑a a ɔ sɔn fan, mbɛ ni mmɔ‑a mmɔ wandi gbɛɛ be fen kɔ fen ma, mmɔ ma‑a a fen chɛ 'a yɔnɛ a. Ni mmɔ ma‑a ko yama 'a yɔnɛ a, a gbaa chia a mu saya an na. Chɛɛ ni mmɔ‑a kooya be Yataa ma, ɛ mmɔ ya‑a wan mɔ tandenɛ n na.

GBOO DOMI KO A 6:2

Tea ko a, chɛ ee ma. Ni ko yama ma koe mu to, mbɛ mmɔ faenɛ mu gbɛ. Mmɔ ee kun to ma‑a fɔɛ ɔ, mmɔ ɛ ta‑a ko yama ma‑a tun tun.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

GBOO DOMI KO A 6:7

A mu min na, ni mɔ gbu fa‑a, a kun ka‑a, ko yama 'a gbasaya ee to a kun ma.

GBOO DOMI KO A 7:6

A ni ma boo ɔ boo gbɛ sanche chɛ ɔ, mmɔ kunɛ bɔen fan mu gbɛ sawa chɛ boo ɔ. Koe min na mu, mmɔ fa‑a sawa ta fɛ chia a, min na‑a mmɔ bia pimbi chenɛ a. Mmɔ ee ma‑a to Yataa ko a, chia chɛ n na, sawa nyɛnden chɛ‑a min fɔ. Chɛɛ kuɔ fɔ ko a gbɛ, mmɔ ɛ ma‑a gbɛ chia nama an na, chia chɛ, Yataa Nyina‑a mmɔ sɔ min ma.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.

GBOO FEAN BƆƐ KƆYINDI KO A 6:17

Chɛ an fɛ mu, Mansa Yataa‑a a fɔ, a ɔ, “Wo bɔ mɔɛ chɛ n tɛ ɔ, wo wo wandi ka an kaa a. Wo sin ma wo boo chɛ ko kan kɔ kan dɔ, min ma nyamuien mu n tena. N sin, n mbe n boo si‑a wan wo kɔɔ.”

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Kɔdɔsai Ko A 2:14

A‑a mmɔ kun ka wan, a bɔ mmɔ 'a ko yama n dɔ, Yataa ni mmɔ gbɛmbo‑a miin ko a. A‑a saya min chɛ kɔn gbengbandenɛ ma, Yataa‑a a boo bɔ nɔ wan an ko yama chɛ n dɔ.

Gboo Kɔdɔsai Ko A 2:20

Wo bɛ Chasi a, wo wan fa‑a dɔndɔ a, mbɛ nyina yama n 'na gbasaya ee to wo kun ma dunya ɔ. Chɛ an fɛ mu, ko ɔ ko ma a ma to, wo ni bea dunya chɛ ɔ fɔɛ fɛ, ko ɔ ko ma a ma, wo ni bea a ɔ sawa n fɛ.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

GBOO IBU MƆƐ N KO A 10:5

Chɛ an fɛ ni, Chasi na‑a tima min na dunya chɛ ɔ, a na‑a a fɔ wan, a ɔ, “Yasi n bɛ mɔɛ n boo fenɛ n na, i wan Yataa ma to ni an fan na. Chɛɛ mɔ gbu gboo, i‑a a be n ma.

GBOO IBU MƆƐ N KO A 12:13

Wo wo tachɛ buɛ ma mɛn, wo gboo ɔ ma na fa wo 'a fɔɛ ɔ. Chɛɛ wo ɔ ni gbɛa gbau.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 3:7

N 'na denɛ nu, wo tima ya, mɔɛ n ma na wo bun. Mɔɛ min mbe tea koe ma, mɔ tandenɛ mu an na Yataa tena, yɔ Chisɔsi tanden mu buɛ min dɔ.

KO Ɔ NUNDENƐ 22:2

A sin, yii chɛ ni yii tena wan chia chɛ tɛtɛ ma, chia min ni chia wa a, an duu chɛ ɔ. An yii chɛ tɔnfɛ fea gbɛɛ ma, kɔnɛ n ni wan nɔ sɔ ɔ, miin mbe fɔɛ be. An sin ni gbɔɛ be gba tan kun ma fea sanɛ ma, gba dɔndɔ kau ɔ kau ko a. An kɔn chɛ n sin, an yamba ni buii an na, mɔɛ n gbɛɛ ko a dunya ɔ.