1 PITA 2:23 - Yataa 'a Dɔbɛnɛ Nama

²³ Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.

1 PITA 2:23 ပူးပေါင်းရင်းမြစ်များ

DUKU 23:41

A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.”

DUKU 23:46

Mbɛ Chisɔsi‑a yee tɛ gbankon, a ɔ, “Fa, n‑na n nyina be i ma.” A‑a chɛ fɔ kɛn dechee, mbɛ a fa‑a.

DUKU 23:9

Chɛ an‑na a ma, Mansa Ɛdɔdi‑a Chisɔsi ɔ tisa tisa sɛsɛ a, chɛɛ Chisɔsi ma bai dɔndɔ wɛɛ fɔ ni a ye.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 4:29

Sanche gbɛ Mansa Yataa, an 'na da chianɛ n ma fɛn, mbɛ i‑a gbasaya be nn ma. Nn fɛn mu i 'a wai chɛ mɔɛ n na, i ni a ma, nn ni faagbɛa ma sɔn. I 'a sakana bai chɛndɛ chɛ, a si Chisɔsi ma, nn ni kun a ɔ yian‑da mɔɛ n na.

CHISƆSI 'A SƆ MƆƐ NU 7:59

An sin ni kɛn a ma bon bon tena, Sitibin‑na samunɛ chɛ wan, a ɔ, “Mansa Chisɔsi, n‑na n fɔɛ be i ma. A sa tena ɔ bɛn n ye.”

CHISƆSI 'A SƆ MƆƐ NU 9:1

Chɛɛ a tima chɛ a, Sɔɔ ni wan tun ko ma gbaaenɛ sa‑a mɔɛ chɛ n ma, miin na‑a an kai fa Mansa Chisɔsi a. A sin, a toen fan ni to, a ni an fa. Mbɛ a ta‑a Chu n 'na tɛ mɔ wa chɛ tena,

GBOO DOMI KO A 2:5

Chɛɛ wo faa a kɔɔen mu, wo too wɛɛ ɔ gbɛ. Chɛ ko a, wo 'a tɔɔya ma ɛ munda‑a wan, tee chɛ ma, tee min ma mɔɛ n mbe Yataa 'a faatɛ ɔ yen‑da. A sin, an mbe a ɔ gbɛ‑a wan, mbɛ ɛ tea kaa an na tɛ.

Gboo Ɛfisɔsi Ko A 6:9

Wo wan yɔn ti nu, wo wɛɛ, wo wo 'a yɔnɛ n bia a buɛ chɛ ɔ. Wo sɛmbɛ a ma koe a, tima ɔ tima ko a, an ni chian wo ma. Wo ni a ɔ sɔn, mbɛ wo bɛ an na, wo e min ko a, ɛ banda bu ɔ wan. A sin, a ee mɔ gbu n tɛ bɔ, ɛnden bɛɛ a.

GBOO FEAN BƆƐ TƐSADONIKA KO A 1:5

Chɛɛ chɛ gbɛɛ ɛ a ɔ yian tena wan, mbɛ Yataa ɛ tea kaa an na tɛ. Wo e tɔɔya min dɔ yen tena, Yataa 'a mansaya an ko a mu, banda bu ɔ. Wo e ka tɔɔ‑a buɛ min dɔ, an mbe wo ma‑a mɔɛ n na, miin mbe kun an ni don a 'a mansaya kɔɔ.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

GBOO IBU MƆƐ N KO A 12:3

Wo wo yii na chii a mɔnɛ‑a buɛ min dɔ. A yɛ to, a‑a toomaya min dɔ bia, ko yama ma mɔɛ n boo ɔ. Chɛ an fɛ mu, wo ma a ma wo faa ni yɔn, wo ni sɛmbɛ wo kai fa koe a Yataa a.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 PITA 4:19

Chɛ an fɛ mu, wo dɔ n mbe tɔɔya ɔ bia‑a wan, yɔ Yataa 'a dɔbɛnɛ‑a a fɔ buɛ min dɔ. Ni chɛ ma‑a, wo ni to wo chɛ chɛ wai chɛndɛ n kɔ, mbɛ wo‑a wo wandi kai fa gbae Yataa a, min‑na wo a dan. A ee a da a kuiɛ yɔn tee dɔndɔ wɛɛ.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.