1 PITA 2:21 - Yataa 'a Dɔbɛnɛ Nama

²¹ An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

1 PITA 2:21 ပူးပေါင်းရင်းမြစ်များ

MATIU 10:38

Ni mɔɛ min mbe ee a ma bɛn‑da mɔnɛ ɔ bia koe a n ko a, ni fa koe a, a e na to bea‑a n fɛ, an mɔɛ chɛ ee che ma‑a n fɛ denɛ a.

MATIU 11:29

Wo kooya be n ma. Wo ni n 'na kanɛ sɔn. N chinchinchaen mu, a yɛ to, n dɔ ma fasi ni. Ni wo puin‑da n chen gba ɔ, wo e suinɛ ma sɔn‑da wan.

MATIU 16:24

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

DUKU 24:26

A ma biaen fan ni kunka mansa ko a, a ni mɔnɛ ɔ bia. Chɛ an ni ma, Yataa e na to a kɔɔ sɔ‑a saya ɔ, a ni a sɛmbɛn banda bu ɔ.”

CHƆN 13:15

N‑na tɔmɔsi an yian ka wo a, min mbe a ma, wo ni a ma, yɔ n‑na a ma dechee buɛ min dɔ wo ko a.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 17:3

A ni a ɔ yian fan chɛndɛ chɛ, an ni a ɔ gbɛ, mbɛ ɛ nyan‑da wan chɛ ni ma. Mbɛ kunka mansa chɛ ɛ tɔɔya ɔ bia‑a wan, a ni a kɔɔ sɔ a ka saya ɔ. Pɔɔ ni a fɔ wan, a ɔ, “Chisɔsi chɛ, n mbe min bakoe ɔ yian tena wo a, an mu kunka mansa a.”

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO DOMI KO A 8:29

An mɔɛ chɛ nu, Yataa na‑a an sɔn pɛn chɛndɛ chɛ, mbɛ a‑a a boo sɔ an ma. An mbe ma‑a wan gbɛ yɔ a 'a denɛ Chisɔsi. A 'a den chɛ ɛ ma‑a gbɛ denɛ saa an na, den sɛsɛ wa chɛ n ya ɔ.

GBOO SAA KƆYINDI KO A 11:1

Chasi na‑a min ma, n mbe bea tena an fan fɛ. Wo wɛɛ, n mbe min ma tena, wo bea an fan fɛ.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Fiipai Ko A 2:5

Ni wo ma‑a ko ɔ ko ma‑a, wo sɔnɛ ma ka Chisɔsi Chasi ta fɛ.

Gboo Saa Tɛsadonika Ko A 3:3

Chɛ an mbe a ma‑a, an ni ko yawaenɛ sa wɛɛ wo ma, wo dɔndɔ wɛɛ ee mun‑da to. Koe min na mu, tɛnɛ ko ma a Yataa wandi tena, mbɛ mmɔ ɛ ko yawaen bonda chɛ n dɔ bia wan.

Gboo Saa Tɛsadonika Ko A 4:2

Wo wandi‑a a ɔ sɔn fan, Mansa Chisɔsi 'a gbasaya ɔ, nn‑na koe miin fɔ wo ye a ma koe a.

2 TIMOTI 3:12

Tea ko a, ni mɔ ɔ mɔ‑a a wandi be Yataa chia ma, ni an ma‑a mɔ dɔndɔɛ a Chisɔsi Chasi a, ɛ ko yawaenɛ ɔ yen fan.

GBOO IBU MƆƐ N KO A 2:10

Yataa an na‑a fen kɔ fen na dan, a sin fan mbe fɔɛ be fen kɔ fen ma. A na‑a a ma wan, mɔ sɛsɛ ma‑a a 'a denɛ n na, mbɛ an don‑da a waa banda bu ɔ. A ni chɛ ma tena tima min na, a na‑a a yii na chii wan, mbɛ a nyin Chisɔsi ni ma mɔɛ n baun mɔɛ chɛndɛ a. Chɛ ni bɔ tɔɔya chɛ ɔ, a wan Chisɔsi ni na tena min dɔ bia‑a. A wan mbe chia a ka‑a, mɔ gbu n gbɛɛ ni bauncha ma sɔn.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 PITA 4:1

Chɛ an fɛ mu gbɛ, Chasi‑a tɔɔya ɔ bia ka buɛ min dɔ a gboo ɔ, wo wɛɛ wo sɔnɛ ni bɔ a ta a a. Wo ma bɛndenɛ ni ma tɔɔya ɔ bia koe a. Koe min na mu, ni wo‑a tɔɔya ɔ bia wo gboo ɔ Chasi ko a, wo ee ko yama ma.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 CHƆN 2:6

Mɔ ɔ mɔ, min mbe a fɔ‑a, mbɛ an ma‑a mɔ dɔndɔɛ a Yataa a, a ni sɔ Chisɔsi chen gba ɔ.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.