1 PITA 2:16 - Yataa 'a Dɔbɛnɛ Nama

¹⁶ Wo kooya be, yɔ Yataa 'a mɔɛ nu, miin mbe ee yɔncha ɔ mɔ dɔ gbɛɛ n kɔɔ. Chɛɛ yuu min tɛ‑a ka wo ma, wo ma ben ko yama ma‑a nun dɔ, wo ni a dɛn wo bɔ koe ma yɔncha ɔ. Chɛɛ wo tachɛ buɛ ni wo ma Yataa 'a yɔnɛ n na, tima ɔ tima ko a.

1 PITA 2:16 ပူးပေါင်းရင်းမြစ်များ

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

CHƆN 15:22

Ni n nii ma na ni, n ni koɔ an tena, a si Yataa wakoe ma, Yataa nii a tɛɛ si‑a an ma, ko yama ma koe a. Chɛɛ ɛ ka gbɛ buɛ min dɔ sanche, an mbe ee che to a fɔ‑a an nii ma an 'na ko yama n sɔn.

GBOO DOMI KO A 6:18

Wo na‑a kunka ma sɔn fan, a bɔ ko yama 'a yɔncha ɔ. Mbɛ wo don‑da Yataa ta yɔncha ɔ, min mu tea ko ma a.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

GBOO SAA KƆYINDI KO A 7:22

Koe min na mu, Mansa Chisɔsi ɛ yɔnɛ min chee, a ma‑a mɔ kun kaenɛ a. A chia dɔndɔ gbe chɛ a, mɔɛ min mbe ee yɔncha ɔ, ni Mansa Chisɔsi‑a a chee, a mɔɛ chɛ ma‑a a 'a yɔnɛ a.

Gboo Kadesia Ko A 5:1

Ni yɔncha tana mu, Chasi‑a mmɔ bɔ a ɔ. Chɛ an fɛ mu, mmɔ sɔ chidi, a ko a. Wo butuin chɛ, min mbe a ma, wo ma na don to an yɔncha fanka ma chɛ kɔɔ.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Ɛfisɔsi Ko A 6:6

Wo ma chɛ ma dechee an ya kɔɔɛ ma wan, an faa chima koe a mɔgbuya ɔ. Chɛɛ wo a ma, wo faa gbɛɛ a, yɔ Chasi 'a yɔnɛ nu, miin mbe Yataa faa ma koe ma.

Gboo Kɔdɔsai Ko A 3:24

Wo e ma‑a ka wai chɛ‑a kun ti min ko a, a mu Chasi an na. A sin ni ma wo yii ma, mbɛ wo e wo 'a tɔnɔnɛ ma sɔn‑da Mansa Chisɔsi an na.

Gboo Saa Tɛsadonika Ko A 2:5

Wo‑a a ɔ sɔn fan chɛndɛ chɛ, mbɛ nn ma na ni wo tena wo bun bai n fan na. Nn mbe ee koɔ, min mbe a ma, nn ni tɔnɔnɛ ma sɔn wo a. Nn sii mu Yataa an na.

CHIMISI 1:25

Chɛɛ Yataa 'a sakana bai tana, a nyin kaka. An mbe mɔ gbu kun ka. Mmɔ ma nyina a ma, mmɔ a a tun mmɔ too ma sɔ koe a a ma, mmɔ tachɛ chɛ a gbee a. Yataa ɛ mmɔ dua wan ko ɔ ko ɔ, mmɔ ɛ min ma. Mmɔ ɛ ma‑a mɔɛ n fan na, miin mbe bai chɛ a min, an mbe tachɛ a gbee a.

CHIMISI 2:12

Chɛ ko a, ni wo ma‑a koɔ‑a tima ɔ tima, ni wo ma‑a koe ma‑a, a ni ma wo yii ma, mbɛ Yataa ɛ sawa chɛ an ya‑a, kaa a ni tɛ a si wo ma. Sawa chɛ, min mbe wo kun ka.

2 PITA 2:19

An mbe mɔɛ n too ɔ dia, mbɛ an mbe yuu tɛ‑a wan an ma. Chɛɛ an fandi gbu mu yɔnɛ an na, sɔn yama n boo ɔ, min mbe an kasaa tena. Koe min na mu, fen kɔ fen min kun‑da gbɛ mɔɛ ma, a ma‑a yɔnɛ a an fen chɛ boo ɔ.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.