1 PITA 2:12 - Yataa 'a Dɔbɛnɛ Nama

¹² Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 2:12 ပူးပေါင်းရင်းမြစ်များ

MATIU 10:25

An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?

MATIU 5:11

“Ni mɔɛ n‑na ko yawaenɛ sa wo ma, an ni wo main, an ni fania yama kan kɔ kan fɔ wo ma, n fan, n bakoe a, wo duaen mu.

MATIU 5:16

A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

DUKU 1:68

a ɔ, “Mmɔ Mansa Yataa tando, mmɔ Isɔɛɛ mɔɛ n 'na Yataa a. A na‑a basan koe a mmɔ ma, mbɛ a‑a mmɔ kun ka.

DUKU 19:44

An mbe wo 'a duu chɛ te‑a wan gbɔkɔɔ, mbɛ an‑na wo wandi sa a kun ma. Wo 'a chen kan kɔ kan mbe ee to‑a sɔ ɔ. Wo 'a chenɛ n sɔ sen kan kɔ kan mbe ee to‑a sa ɔ a nyɔn kundu a. Chɛ n mbe ma‑a koe min na, wo nii ma a ɔ sɔn ni, mbɛ tima an nii nɛ, tima min na Yataa na‑a na wo baun koe a.”

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 13:31

Chudasi bɔ‑a kɛn, a ta‑a. Mbɛ Chisɔsi ɔ, “A ɔ ma yansan to, mbɛ mɔɛ n‑na a ɔ yen, kamaya mɔɛ min mu n na, n fan, Mɔ Gbu 'a Denɛ. A ɔ ma yansan to, mbɛ n‑na a ma, Fa Yataa 'a kamaya ɔ ni yen chɛndɛ chɛ.

CHISƆSI 'A SƆ MƆƐ NU 15:14

Saimɔn Pita ban‑da a ɔ yian‑da mmɔ a, Yataa na‑a a 'a koadia ɔ yian buɛ min dɔ, tima saa saa ko a, mɔɛ chɛ n na, miin nii ma Chu mɔ a. A na‑a a boo sɔ wan an dɔ n ma, ma koe a a ta mɔɛ n na.

CHISƆSI 'A SƆ MƆƐ NU 24:13

An gbu ee che koe ɔ yian‑da, min mbe toa si, an 'na bai chɛ n kɔɔ, a si n ma.

CHISƆSI 'A SƆ MƆƐ NU 25:7

An na‑a kɛn Pɔɔ a, Chu mɔɛ miin ka‑a Chuusaɛn duu ɔ, an sɔ‑a wan gbɛɛ Pɔɔ 'a tindanɛ. Mbɛ an Chu mɔɛ n bun‑da kun sɛsɛ si‑a Pɔɔ kun ma, an nii che toa si‑a miin kɔɔ.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

GBOO DOMI KO A 12:17

Ni mɔɛ n‑na ko yama ma wo a, wo ma wo ta a yɛ ko yama a. Chɛɛ wo butuin chɛ, wo ni koe n ma, miin ma ɛ kawa mɔ ɔ mɔ ya a.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO DOMI KO A 14:18

A sin, mɔ ɔ mɔ min mbe wai chɛ a buɛ chɛ ɔ ka Chisɔsi Chasi ko a, ɛ ma‑a Yataa faa ma koe an na, mɔɛ n bɛɛ bu ɔ dia‑a wan a mɔɛ chɛ ko a.

GBOO DOMI KO A 15:9

A ni a ma to, mɔɛ chɛ n bɛɛ miin ma Chu mɔ a, an ni Yataa tando a 'a chinchimaya ko a. A nyɛnden mu ka wan Yataa 'a gboo ɔ, mbɛ, “Chɛ an fɛ mu, n mbe tando be‑a i tɔɛ ma, mɔɛ chɛ n tɛ ɔ, miin ma Chu mɔ a, n mbe i tɔɛ sa‑a wan si a.”

GBOO SAA KƆYINDI KO A 14:25

An‑na koe miin ma nun dɔ, miin mbe sa ɔ an yii ma, an mbe bɔ‑a wan ya a ma. An sin, an mbe an kumbai gbangban‑da wan, mbɛ an‑na a fɔ, an dɔ, tea mu, an dɔ, Yataa ɛ wan nɔ an tɛ ɔ.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 13:7

Chɛɛ nn mbe samunɛ chɛ tena, wo ma na ko yama kan kɔ kan ma. Nn mbe ee a ɔ yian tena wan ka, mɔɛ n na, mbɛ nn‑na wai chɛndɛ an chɛ wo tɛ ɔ. Chɛɛ nn toen mu, wo ni koe n ma, miin nyin, a ma koe a. A ni ma wɛɛ, mbɛ nn‑na wai min chɛ, ko ma bɔ ni a ɔ.

GBOO FEAN BƆƐ KƆYINDI KO A 8:21

Nn 'na yiinachii mu chɛ an na. Mbɛ nn ni koe ma, tea ɛ min dɔ, Mansa Yataa chen kɔɔ, ni mɔ gbu n bɛɛ ya a.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

1 TIMOTI 2:2

Samunɛ ni chɛ mansa n ko a, a basan mɔɛ tɔɛ chɛ n na, miin mbe sɔ tena nu. Chɛ ni ma, min mbe a ma, sɔnkɔ sɔnkɔɛ ni bɔ mmɔ 'a fɔɛ ɔ, mbɛ faachima ma‑a mmɔ ma, mmɔ ɛ ta‑a ma‑a Yataa fɔɛ ɔ, basɔmaya wɛɛ ɛ mmɔ ɔ chia ɔ chia a.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

GBOO IBU MƆƐ N KO A 13:18

Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.

GBOO IBU MƆƐ N KO A 13:5

Kɔpɔɛ wakoe ma ma wo faa ɔ kaka. Chɛɛ fen kɔ fen min mbe wo boo ɔ, wo bu ɔ ni dia, mbɛ ɛ wo boo ɔ. Koe min na mu, Yataa‑a a fɔ wan a 'a gboo ɔ, a ɔ, “N mbe ee i dɔndɔ gbe to‑a, n sin, n mbe ee i boo ka‑a.”

CHIMISI 3:13

Wo tɛ ɔ, ni mɔɛ min yiima tɛen mu, a‑a koe ɔ gbɛ, an mɔɛ chɛ ni chɛ ma. Mɔɛ n ni a ɔ yen, fɔɛ chɛndɛ ma, ɛ min dɔ. An ni a ɔ yen ko chɛndɛ ma, ɛ min ma, yonka ee a fɛ. Chɛ an mbe yiimatɛ ɔ yian.

1 PITA 2:15

Yataa toen mu, chɛ an ni ma. Wo 'a ko chɛndɛ ni a ma, baa baa mɔɛ chɛ n ni an da a tɔn, wooya bai n fɔ koe a wo ma.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.