Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PITA 2:1 - Yataa 'a Dɔbɛnɛ Nama

1 Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

အခန်းကိုကြည့်ပါ။ ကော်ပီ




1 PITA 2:1
50 ပူးပေါင်းရင်းမြစ်များ  

Wo wan, nɛnɛn fea ti nu. Yataa 'a gbonka chɛ mɔɛ Aisaya teayaen fan ni suun, a na‑a bai sa kɛn a si wo ma, a ɔ,


Wo wɛɛ wo e ka wan. Wo bɔen mu mɔɛ n na miin tanden mu Yataa tena. Chɛɛ wo faa ɔ ma gbɛ ni. Nɛnɛn fea ti mu wo a, mbɛ a yɛ to, ko yama ma mɔɛ mu wo a.


Kun ti chɛ ɛ bɔi den chɛ a tɔɔya‑a wan a yama yama boo a, mbɛ a‑a a bia, yɔ nɛnɛn fea ti chɛ n mbe bia buɛ min dɔ. Bɔi den chɛ, ɛ ma‑a wan kaina dɔndɔɛ, di chɛ a, a basan mɔnɛ ɔ nyin na daunɛ a, an bɛ nɛnɛn fea ti chɛ n na.”


Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.


Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”


Koe min mbe wo tan‑da, a yau gba wo ko a. A mu min na, wo ma buɛ ee a ɔ yian mɔɛ n na, mbɛ wo sɔnɛ n yau wan. An mbe ee a ɔ sɔn ni wo sɔnɛ n yau wan, chɛɛ ni an gbɛn‑da dechee wo ma, mbɛ wo‑a wo sɔn yama chɛ n chɛ an dɔ, mbɛ an ma‑a yɔ wo e buɛ min dɔ.”


A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.


Wo ee kun wo ni a fɔ wo bɔɛ ye, wo ɔ, a ni ka wɛ, wo ni bubuu ɛnden chɛ bɔ a ya a, min mu ka, kɔn gbondo chɛ ɛ sa ɔ wo ta ya a. Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.”


Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”


Ko yama nu, an fan faenɛ an faa an na gban. An toen mu an bɔ n boo fenɛ n fan na, an toen mu to fen fen ni ma an dɔndɔ gbe ta a, an ma to ni an nyɔn na, an sin mbe an nyɔn fa wan. A yɛ to, an mbe butuinɛ chɛ, an mbe an nyɔn bun, an mbe ta‑a yiinachii yama chɛ‑a an nyɔn na. A sin to, an mbe an nyɔn tɔɛ ɔ tɛ ka wan.


N suun ma nyɔɛ nu Chasi ɔ, wo wo boo bɔ den mɛsɛ n 'na yiinachii ɔ. Wo wo yii na chii, yɔ gbakoo nu. Chɛɛ ni ko yama ma ɔ mu, wo ma den toa n na.


Chɛ an fɛ mu, mmɔ tachɛ Yataa faa ma a, yɔ Chu mɔɛ n ni kun bɔ a ɔ bɛn chɛ bia buɛ min dɔ, a chia ma. Mmɔ ma mmɔ 'a bɛn chɛ bia faa yama a, mmɔ ma a bia, mmɔ ɛ tun mmɔ 'a ko yama kɔma n dɔ. Chɛɛ mmɔ Yataa 'a sawa bia mmɔ boo fea a, mmɔ ni sɔn yama boo ka. Mmɔ ni Chu mɔɛ n ya tɔmɔsi a, miin ni biidi dɛnfɛenɛ daun, yisin nii min dɔ, bɛn chɛ tima kɔɔ. Chɛ ɛ a ɔ yian tena wan, mbɛ mmɔ tandenɛ ni ma Yataa chen kɔɔ.


N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.


Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.


Wo e a ɔ yen tena wan gbɛ, nn ni Yataa bai sa tena buɛ min dɔ. Nn ma saman ni, yiima yama nii nn dɔ, a sin to, nn ma wo bun ni.


A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.


A fɔ musu ma taenɛ n bɛɛ ye, an ni baa be Yataa ma an sɔnɛ n dɔ. An ma ma yɔnɛ a gbɛ ko a, an ma tɔ ɔ tɛ yama chɛ. An mbe kanɛ min chɛ, a ni ma kan chɛndɛ a.


Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.


Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.


Chɛɛ toomaya faenɛ ɛ mɔɛ min faa ɔ, a toenɛ ɛ dechee a faa ma koe n na, yiimatɛ tɔ ma a mɔɛ chɛ a. A yau ko yama tɔɛ gbɛɛ ma, a mɔɛ chɛ yii na chii koe a, mbɛ yiimatɛ tɔɛ mu a a.


N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.


Bai min nyɛndenɛ ɛ Yataa 'a gboo ɔ, wo ma a ya bai fuu a. A ɔ, Yataa‑a a Nyina min be mmɔ ma, a ɔ, toomaya an mbe a ɔ, mmɔ ma koe a Yataa ko a.


N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.


Wo kooya be, yɔ Yataa 'a mɔɛ nu, miin mbe ee yɔncha ɔ mɔ dɔ gbɛɛ n kɔɔ. Chɛɛ yuu min tɛ‑a ka wo ma, wo ma ben ko yama ma‑a nun dɔ, wo ni a dɛn wo bɔ koe ma yɔncha ɔ. Chɛɛ wo tachɛ buɛ ni wo ma Yataa 'a yɔnɛ n na, tima ɔ tima ko a.


A nii ma ko yama kan kɔ kan ma ni. A sin, fania bai nii ma bɔ ni a da ɔ tee dɔndɔ wɛɛ.


Ɛ wan yɔ Yataa 'a gboo‑a min fɔ. A ɔ, “Mɔ ɔ mɔ min toen mu a ni fɔɛ ɔ daun, tee chɛndɛ yen sɔɛ ɛ min yii ma, a ni a boo bɔ bai yama sa ɔ, mbɛ a sɛmbɛ‑a fania fɔɛ‑a.


A sin, wo ee ma‑a wo faa ma koe n fan ma‑a, aan wo ni fa. Chɛɛ wo ma bɛndenɛ ɛ ma‑a wan, tima ɔ tima ko a, Yataa faa ma koe ma koe a.


Sanche gbɛ sin, mɔɛ chɛ nu, miin ma an kai fa ni Chisɔsi a, an kɔndɔ fii‑a wo a. An‑na a yen, mbɛ wo ee bea tena to an fɛ, ben‑da mauma koe ma‑a, wo gbɔsɔ wɛɛ ma. Chɛ an mbe a ma tena, an mbe bai yama n sa tena wo ma.


An mɔɛ chɛ n da ɔ, fania nii bɔ nɔ, mabɔ chia kan kɔ kan nii an ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ