1 PITA 1:8 - Yataa 'a Dɔbɛnɛ Nama

⁸ Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

1 PITA 1:8 ပူးပေါင်းရင်းမြစ်များ

MATIU 10:37

“Mɔ ɔ mɔ kan kɔ kan, i wɛn toen mu i ni bea n fɛ, i yii ka i fa a, i ni i yii ka i de a, mbɛ i bea‑a n fɛ. A yɛ to, mɔɔ ni i‑a i yii ka i 'a den kaienɛ a, ni i 'a den musuenɛ, mbɛ i bea‑a n fɛ.

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 14:21

“Mɔɛ min mbe koe n ma‑a, n mbe miin fɔ an ma koe a, an mɔɛ chɛ an toen mu n na. A sin, an mɔɛ chɛ, a toen min chɛ‑a ka n na, Fa wɛɛ, a ɛ to‑a wan a a. N bɛɛ, n mbe to‑a wan a mɔɛ chɛ a, mbɛ n‑na a ma, a‑a n sɔn chɛndɛ chɛ.”

CHƆN 14:24

Mɔɛ min ma to ni n na, a ee che koe chɛ n ma‑a, n‑na miin fɔ a ye. A sin, n mbe bai chɛ miin gbɛɛ fɔ, n mbe ee an tɛ n fandi gboo an ma, chɛɛ Fa min‑na n sɔ, a 'a sakana bai nu mu, n mbe an na ben.

CHƆN 16:22

Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHƆN 20:29

Mbɛ Chisɔsi ɔ a ma, a ɔ, “I‑a n yenɛ min chɛ, an‑na a ma dechee, i‑a i kai fa n na. Dua ni ma mɔɛ chɛ n ma, miin ma n yen ni, chɛɛ an‑na an kai fa‑a n na.”

CHƆN 8:42

Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.

CHISƆSI 'A SƆ MƆƐ NU 16:34

Mbɛ a sɛ‑a Pɔɔ, an fea Sidasi a, a waa chenɛ a, a‑a an da kɔ. Buɔdia wa ni wan a ɔ, a basan a 'a chen 'na mɔɛ n gbɛɛ a. Koe min na mu, an‑na an kai fa gbɛ Yataa a.

GBOO DOMI KO A 14:17

Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO SAA KƆYINDI KO A 16:22

Mɔ ɔ mɔ, Mansa Chisɔsi ko a ee dia min ye, danka ni ma a fɛ. Mansa Chisɔsi, na wɛ nn ye.

GBOO FEAN BƆƐ KƆYINDI KO A 1:22

A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.

GBOO FEAN BƆƐ KƆYINDI KO A 4:18

Koe min na mu, nn yiima ee koe chɛ n fan ma, mɔ gbu ɛ miin yen a ya a. Chɛɛ ɛ fen chɛ n fan ma, mɔ gbu ee min yen a ya a. Mɔ gbu ɛ fenɛ min yen ka a ya a, ɛ ma dechee tima kundu an ko a. Chɛɛ mɔ gbu ee fenɛ min yen a ya a, ɛ ma wan kuɔ fɔ ko a.

GBOO FEAN BƆƐ KƆYINDI KO A 5:7

Mmɔ ɛ tachɛ buɛ min dɔ fɔɛ ɔ, ɛ bɔ mmɔ kai fa buɛ an dɔ Chisɔsi Chasi a, a ee bɔ koe n fan dɔ, mmɔ ɛ miin dɔ yen.

GBOO FEAN BƆƐ KƆYINDI KO A 9:15

Yataa ɛn wai, a 'a wai nyima ko a, a‑a min chɛ mmɔ a. An wai nyima chɛ sɔnkɔ ee.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Ɛfisɔsi Ko A 6:24

Koadia ɛ miin gbɛɛ faa ɔ, mmɔ 'a mansa Chisɔsi Chasi ko a, koadia min mbe ee danka kuɔ fɔ, Yataa ni an gbɛɛ dua.

Gboo Fiipai Ko A 1:25

N danden fan mu chɛ a. A sin, n ko a, n‑na a ɔ sɔn fan, mbɛ n mbe ma‑a wan fɔɛ chɛ ɔ. N mbe ma‑a wan tun wo gbɛɛ tɛ ɔ, n ni basan wo ma, wo‑a wo kai fa min chɛ Chasi a, a ma ni munda. Chɛ ni a ma, wo bu ɔ ni dia, a chenama ɔ, Chisɔsi Chasi a.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Fiipai Ko A 4:4

Wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ tima ɔ tima ko a. Ka n mbe a fɔ to wo ye, wo buɔdia bɔ.

GBOO IBU MƆƐ N KO A 11:1

Mɔɛ min yii na tɛen mu fen chɛ n ma, Yataa na‑a a too ɔ dia miin na, a yɛ to, mɔɛ min dandenɛ ɛ koe n na, a ya ma miin dɔ yen ni, a mɔɛ chɛ an kai faen mu Yataa a.

GBOO IBU MƆƐ N KO A 11:27

Mosisi na‑a a kai fa wan Yataa a, mbɛ a bɔ‑a Ichipi chɛnyɛ ɔ. A sin, chian bɛɛ nii a ɔ, a si mansa wa chɛ faa tɛ koe ma. A na‑a ma wan dechee, yɔ Yataa ni wan a ya kɔɔ, mɔ ɔ mɔ ee min yen. A sin na‑a a ma wan, a na‑a a faa bia.

1 PITA 1:6

Chɛ ni ma buɔdia a wo ma. Buɔdia chenama wa ni ma wɛɛ wo ma ya ɔ ma, chɛɛ tima ɛnden ko a, wo e na‑a wan ma‑a faayɔnɛ ɔ. Koe min na mu, wo e ko gbɛama sɛsɛ n dɔ bia‑a wan.

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.