1 PITA 1:7 - Yataa 'a Dɔbɛnɛ Nama

⁷ Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

1 PITA 1:7 ပူးပေါင်းရင်းမြစ်များ

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

MATIU 25:21

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

MATIU 25:23

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

DUKU 12:33

Wo wo boo fenɛ n ma tachɛ kɔpɔɛ a, mbɛ wo‑a a kɔpɔɛ chɛ n be yɔn tɔɛ n ma. Ni wo‑a chɛ ma, wo e ma‑a ka nyanɛ an na sɔn‑da wo wandi ko a banda bu ɔ. Kɔpɔ sa basachi nu, miin mbe banda bu ɔ, an mbe ee taa, an sin mbe ee pumbɔ. Wo 'a nyan fen chɛ nu banda bu ɔ, an mbe ee ban kuɔ fɔ ko a. Kanka ee che an kanka‑a. Chisi sin mbe ee che an yɔn‑da.

DUKU 17:30

Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.

CHƆN 12:26

Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.

CHƆN 5:44

Wo bu ɔ dia‑a wan, wo e ma wo nyɔn bai‑a. Chɛɛ wo ee koe n ma, an ma buɛ n na, min mbe a ma, a wɛn mu dechee Yataa a, a ni wo bai. Mbɛ wo e che ka ma, wo ni dan n na?

CHISƆSI 'A SƆ MƆƐ NU 8:20

Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.

GBOO DOMI KO A 2:10

Chɛɛ mɔɛ chɛ n gbɛɛ, miin mbe ko chɛndɛ ma, Yataa ɛ a ma‑a wan, an ni a 'a dua ma sɔn, a 'a tando, a basan a 'a faachima a. Chɛ ɛ chɛ‑a wan Chu mɔɛ n ye, a ni chɛ mɔɛ chɛ n bɛɛ ye, miin ma Chu mɔɛ n na.

GBOO DOMI KO A 2:29

A ee ka, Chu mɔɛ mu a faa an na, min mbe a bu ɔ. Yataa Nyina an mbe a ma, mɔɛ ni a faa gbɛɛ be Yataa ma, chɛɛ sawa nyɛnden fan mbe ee a ma chɛ ni ma. An mɔɛ chɛ, ɛ a 'a tando sɔn‑da wan Yataa a, ni mɔ gbu ma a tando nin bɛɛ.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 8:19

Yataa‑a fenɛ miin gbɛɛ a dan, an gbɛɛ ɛ wan gbɛ makɔnɛ chɛ‑a nyaka, nyaka, tima chɛ ko a, tima min na Yataa ɛ a 'a denɛ n yian‑da.

GBOO SAA KƆYINDI KO A 3:13

Chɛɛ mɔ ɔ mɔ ta wai chɛ buɛ, ɛ bɔ‑a wan ya a ma, kaa a tɛ tee chɛ ma. A sin, ta an mbe a ɔ yian‑da, mɔ ɔ mɔ kan kɔ kan‑na a ta wai min chɛ.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 PITA 2:4

Wo na Chisɔsi tena. An mu senɛ chɛ a, min mbe fɔɛ ɔ. Mɔ gbu n ban‑da wan a ɔ, chɛɛ Yataa tana, a ma kawaen mu a tena, a sin‑na a boo sɔ a ma.

1 PITA 2:7

Wo wɛn kai faen mu a a, senɛ chɛ mu tɔnɔn ba an na wo tena. Chɛɛ wo wɛn ma wo kai fa ni a a, Yataa 'a gboo‑a a fɔ wan, a ɔ, “Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.”

1 PITA 4:12

N dia nyɔɛ nu, wo e ka tɔɔya ɔ gbɛama min dɔ bia‑a, a ma ma dɔsimanɛ a, min mbe wo tɛnɛ‑a. Chɛ ma ma koe a, min mbe ka ma‑a wo a, yɔ a nyɔn sima ma ma ni a kɔma a.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 1:4

Chɛ an‑na a fɔ, a na‑a mmɔ too ɔ dia wai nyima ma kawaen ba min na, a na‑a a be wan mmɔ ma. An wai nyima chɛ ni a ma, wo kunɛ ni bɔ koe n boo ɔ, wo faa a miin ya kaka, miin mbe na kasaa a dunya chɛ ɔ. Mbɛ mmɔ sɔnɛ ta‑a Yataa ta fɛ.

2 PITA 3:14

N dia nyɔɛ nu, chɛ an fɛ mu, wo e ka an tee chɛ ma kɔnɛ min chɛ a, wo wo wandi bia chɛndɛ chɛ. Tɔmbɛ ma ma wo ma, wo sin ni ma faachima ɔ Yataa a.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.