6 Chɛ ni ma buɔdia a wo ma. Buɔdia chenama wa ni ma wɛɛ wo ma ya ɔ ma, chɛɛ tima ɛnden ko a, wo e na‑a wan ma‑a faayɔnɛ ɔ. Koe min na mu, wo e ko gbɛama sɛsɛ n dɔ bia‑a wan.
Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”
Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.
N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”
Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”
Mmɔ 'a danaya chɛ ko a Yataa a, Chasi‑a a ma, mmɔ boo kun‑da Yataa 'a koadia deman chɛ ma, min mbe ka mmɔ ko a sanche. Mmɔ ɛ buɔdia bɔ wan gbɛ sanche, koe min na mu, mmɔ yii na tɛen fan mu gbɛ, mbɛ Yataa sɔnɛ dɔ ɛ ma‑a wan mmɔ ɔ ya ɔ ma.
Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.
Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.
Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.
Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.
Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.
Wo chinchin wo wandi ma, wo ni sɛmbɛ yɛn chɛ koe a, mbɛ wo‑a di chɛ gbafi gbafi, wo 'a ko yama ko a. Wo wo 'a yɛn chɛ mun di a. Wo 'a buɔdia ni ma faayɔnɛ a.
Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.