1 PITA 1:5 - Yataa 'a Dɔbɛnɛ Nama

⁵ Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.

1 PITA 1:5 ပူးပေါင်းရင်းမြစ်များ

CHƆN 12:48

Mɔ ɔ mɔ min mbe ban‑da n dɔ, a ni a boo bɔ n 'na sakana bai kɔɔ, min mbe kaa a tɛ‑a a wakoe ma, ɛ nɔ. N‑na bai miin fɔ, an fan mbe kaa a tɛ‑a a wakoe ma, a ni tɔɔ. Chɛ ɛ ma‑a wan tee dankama ma, mɔɛ n mbe an kɔɔ sɔ‑a saya ɔ tee min ma.

CHƆN 17:15

N mbe ee samunɛ chɛ tena gbɛ, min mbe a ma, i ni an bɔ dunya chɛ ɔ. Chɛɛ n mbe a chɛ tena, i ni an kun ma fɛn Sitana boo ɔ, nyina yama chɛ.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO DOMI KO A 8:18

Sanche, mmɔ ɛ mɔnɛ ɔ bia tena. Chɛɛ n danden mu a a chɛndɛ chɛ, mbɛ mmɔ ɛ ka mɔnɛ min dɔ bia tena sanche, a a ma kan ni basɔmaya chɛ a, Yataa ɛ min be‑a mmɔ ma ya ɔ ma.

GBOO SAA KƆYINDI KO A 1:21

Yataa yiima tɛen ba mu, an‑na a ma, a‑a a ma mɔɛ n 'na yiimatɛ ee che a ma‑a, an ni a ɔ gbɛ a gbu ɛ ka ma. A‑a chɛ ma, min mbe a ma, mɔɛ chɛ n ni bauncha ma sɔn. Mɔɛ chɛ nu, miin mbe an kai fa‑a a a, ni an‑na wooya sakana bai chɛ a min, nn mbe min dɔ yian.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Ɛfisɔsi Ko A 2:8

Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Fiipai Ko A 1:6

Chɛ an fɛ mu, n danden fan mu a a, mbɛ Yataa boo ɛ ka gbɛ buɛ min dɔ wo baun koe ɔ, a ee sɛmbɛ‑a to. A ɛ wo baun‑da wan, aan a ni che a danka a gbɔdɛ, aan Chisɔsi Chasi na tima a to.

Gboo Fiipai Ko A 4:7

Chɛ an fɛ mu, Yataa ɛ faachima min be, min benden mu mmɔ 'a ko sɔnɛ gbɛɛ ma, ɛ wo faa kun ma fɛn‑da wan, a ni wo yiima wɛɛ kun ma fɛn. Koe min na mu, mɔ dɔndɔɛ mu wo a, wo bɛ Chisɔsi Chasi a.

2 TIMOTI 3:15

A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 6:12

Chɛ ɛ a ma‑a wan, wo ee ma‑a gboo ɔ fa tɔɛ n na. Chɛɛ wo e bea wan mɔɛ chɛ n fɛ, miin‑na an kai fa Yataa a, an‑na an faa bia, mbɛ Yataa na‑a an too ɔ dia min gbɛɛ a, an‑na an ma sɔn.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 PITA 1:13

Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 4:13

Chɛɛ a ni ma buɔdia a wo tena, mbɛ wo e ko yawaenɛ min dɔ bia tena, Chasi na‑a an sima ɔ bia. Chɛ ɛ ma‑a wan wo ni ma buɔdia da faenɛ ɔ, ɛ yen‑da tima min na gbasaya ɔ, dunya chɛ ɔ.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

CHUDA 1:1

N fan Chuda, n fan mbe gboo chɛ nyɛn tena wo tena, wo wan Chisian mɔɛ nu. Chisɔsi Chasi 'a wai chɛ mɔɛ mu n na, n fan Chimisi dɔ kaima. Fa Yataa toen mu wo a, a‑a wo chee wan a tena, a sin, Chisɔsi Chasi ɛ wo kun ma fɛn tena wan.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.