1 PITA 1:25 - Yataa 'a Dɔbɛnɛ Nama

²⁵ Chɛɛ Mansa Yataa da a bai, ɛ ma‑a wan kuɔ fɔ ko a.” Bai chɛ mu sakana bai chɛndɛ chɛ an na, min dɔ yian‑da wo a.

1 PITA 1:25 ပူးပေါင်းရင်းမြစ်များ

MATIU 5:18

Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a.

DUKU 16:17

A ɔ gbɛ dunya chɛ gbɛɛ ni ban. Sawa chɛ ɛnden bɛɛ nan gbu sin, a ka koe a a gba ɔ, a ɔ gbɛ kaka, a ni ben dunya ban koe ma.

CHƆN 1:1

Dunya e na to a kuu sɔ‑a, an mbe mɔɛ min chee, an dɔ, Bai, a ni wan gbɛ nɔ. An fea ni Yataa a, a wɛɛ ni Yataa an na.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

GBOO SAA KƆYINDI KO A 2:2

Koe min na mu, tima min na n ni wo tɛ ɔ, ko dɔ gbɛɛ kan kɔ kan nii n yii ma wo kan koe a. Min ni dechee n yiima ɔ, an nɛ min sien mu Chisɔsi Chasi ma, a‑a saya min chɛ kɔn gbengbandenɛ ma.

Gboo Ɛfisɔsi Ko A 2:17

A sin, a na‑a wan, a‑a sakana bai chɛndɛ chɛ ɔ yian wo a, wo wɛn nii Yataa baima, a basan chɛ n na, miin gbɛndenɛ ni Yataa ma.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 1:23

A mu min na, Yataa‑a a ma wan, wo suun‑da to a nama a. Wo 'a fɔɛ nama chɛ, wo woo mɔɛ nu dunya ma, an fan ma a be ni wo ma. Koe min na mu, an‑na fɔɛ min be wo ma, ɛ danka‑a saya an dɔ. Chɛɛ fɔɛ nama chɛ tana, ɛ ma‑a wan kuɔ fɔ ko a. Koe min na mu, Yataa da a bai chɛ, fɔɛ ɛ min dɔ, ɛ ma‑a wan nɔ kuɔ fɔ ko a.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

2 PITA 1:19

Chɛ an fɛ mu gbɛ mmɔ gbu 'a danaya gbu ɔ gbɛa‑a gbɛ, sakana bai chɛ a, Yataa 'a gbonka chɛ mɔɛ n na‑a min dɔ yian suun. Ɛ nyan‑da wan wo ko a, ni wo‑a wo too ma sɔ a ma. Koe min na mu, ɛ wan yɔ dambo manɛ si ɔ pimbi pimbi ɔ. Ɛ ma wan man‑da aan banda ɔ ni ka, mbɛ sayi ma tɔmbuaka man‑da wo faa ɔ, min mu Chisɔsi wandi a.

1 CHƆN 1:1

Nn mbe gboo chɛ min nyɛn tena ka, a sien mu mɔɛ chɛ an ma, an mbe min chee, an dɔ, Bai, min tɔ mu to Fɔɛ. A ni wan nɔ dunya a dan‑da tima min na. Nn‑na a yen fan nn ya a pɛnɛnɛ, nn‑na a kuiɛ a min, nn sin tindi tindi‑a wan nn nyɔn ma.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.