1 PITA 1:22 - Yataa 'a Dɔbɛnɛ Nama

²² Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 1:22 ပူးပေါင်းရင်းမြစ်များ

CHƆN 15:17

N mbe chɛ an fɔ tena wo ye, mbɛ wo ni to wo nyɔn na.

CHƆN 15:3

Bai chɛ nu, n‑na miin fɔ wo ye, an‑na a ma, wo bon chɛ n tɛ‑a wo ma, wo ni gbɔɛ be chɛndɛ chɛ.

CHƆN 17:17

I 'a bai an mu tea a. Chɛ an‑na a fɔ, a ma i 'a bai chɛ ni an ma, an ni ma i ko a tenchen.

CHƆN 17:19

A sin, an fan ko a mu, n mbe n fandi be tena, ma koe a tenchen i ko a. Chɛ ɛ a ma‑a wan, an bɛɛ, an ni ma tenchen i ko a.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 2:8

Chɛɛ mɔɛ nu, miin toen mu dechee an fandi a, an sin ma to ni tea a, an mbe bea ko yama n fan fɛ. An mɔɛ chɛ n tana, Yataa faa ɛ tɛ‑a wan an ma yama yama, a ni an tɔɔ.

GBOO DOMI KO A 8:13

Koe min na mu, ni wo ma‑a an gbasaya chɛ kɔɔ, wo e na‑a wan fa‑a kuɔ fɔ ko a. Chɛɛ ni Yataa Nyina chɛ‑a a ma, wo sɛmbɛ‑a fion an ko yama n na, wo e kuɔ fɔ fɔɛ ma sɔn‑da wan.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

Gboo Kadesia Ko A 3:1

Wo wan Kadesia mɔɛ nu, wo wooen mu. N ma a ɔ sɔn mɔɛ min nya‑a wo a. Wo wandi gbu, wo too n‑na a a min fan, mɔɛ n‑na Chisɔsi Chasi gbangban buɛ min dɔ kɔn gbengbandenɛ ma, a fa‑a nɔ.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

Gboo Kadesia Ko A 5:7

Wo na‑a a kuu sɔ wan ta koe a ya ɔ ma chɛndɛ chɛ. Chɛɛ n ma a ɔ sɔn, mɔɛ min‑na a fɔ wo ye, wo ni sɛmbɛ bea koe a tea chia chɛ fɛ.

Gboo Ɛfisɔsi Ko A 4:3

Yataa Nyina‑a wo ma mɔ dɔndɔɛ a, chɛ an‑na a fɔ, wo ko ɔ ko ma, wo e che min ma koe a, wo ni ma faa chima ɔ, tima ɔ tima ko a.

Gboo Fiipai Ko A 1:9

A sin, chɛ an mu samunɛ a, n mbe min chɛ tena, mbɛ koadia min mbe wo faa ɔ, a ma ni munda tima ɔ tima ko a. A yɛ to, yiima ni ma wo ɔ, wo ni koe n tɛ bɔɛ sɔn,

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 5:2

Sunkun tɔngbɔɛ n bia yɔ i tensa musu nu, musu ko kan kɔ kan ma na i yii ma an ko a, mbɛ i‑a chenan musu n bia yɔ i de.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

GBOO IBU MƆƐ N KO A 11:8

Ebeami na‑a a kai fa wan Yataa a, min na‑a a ma, Yataa na‑a min fɔ a ye a ma koe a, a‑a a ma. Yataa na‑a a fɔ wan Ebeami ye, mbɛ a ni bɔ a waa a, a ni ta kaina, a nii ma ta ni kaina min tee dɔndɔ wɛɛ. Yataa na‑a a too ɔ dia wan an kaina chɛ be koe a a ma, a ta a. A nii ma a ɔ sɔn, ɛ ta tena kaina min. Chɛɛ chɛ gbɛɛ ɔ, a bɔ‑a wan a 'a chɛnyɛ ɔ.

GBOO IBU MƆƐ N KO A 13:1

Wo to wo nyɔn na tima ɔ tima ko a, yɔ mɔɛ ɛ to buɛ min dɔ a suun ma nyɔɛ n na.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

GBOO IBU MƆƐ N KO A 6:10

Koe min na mu, Yataa ee kaa yama a tɛ, a ni nyina wai chɛndɛ chɛ ma, wo‑a min chɛ. A yɛ to, wo na‑a Yataa 'a mɔɛ n bia wan chɛndɛ chɛ, wo sin mbe tun an bia‑a a buɛ ɔ. Chɛ‑a a ɔ yian fan Yataa a, mbɛ wo toen mu a a.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 2:17

Wo basɔmaya be mɔ ɔ mɔ ma. Wo to wo bɔɛ Chisianɛ n na. Wo chian Yataa ma, mbɛ wo‑a basɔmaya be kun ti wa ma.

1 PITA 3:1

A chia dɔndɔ gbe chɛ a, wo wɛɛ, wo wɛn mu kai sɔn musu n na, wo don wo chɛɛ n 'na gbasaya kɔɔ. Yataa da a bai chɛ, kɔkɔɛ an dɔ n mbe ban‑da wan an boo si koe a a kɔɔ. Ni chɛ ma‑a wɛɛ, wo e ma‑a ka Yataa fɔɛ min dɔ, ɛ an mun‑da wan Yataa tena, a ben wo da a bai ma.

1 PITA 3:20

Mɔɛ chɛ n fan nii nɛ, miin nii ma kooya be ni Yataa ma. Yataa ni a faa bia tena wan an na, ɛ an ma kɔn‑da, tima min na Nowa ni a 'a dɛndɛ wa nyanɛ a. Mɔ kuundenɛ miin ni an dɛndɛ chɛ ɔ, an ni mɔ sɛi, yii chɛ na‑a miin baun.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:17

Koe min na mu, Yataa 'a kaa a tɛ tee ɔ ma yansan to. A sin mbe kaa a tɛ kuu sɔ‑a mmɔ wan ma, a ta mɔɛ nu. Mɔɛ chɛ n sin, miin mbe ee don Yataa 'a sakana bai chɛndɛ kɔɔ, an ta ma ɛ chian‑da wan.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

2 PITA 1:7

Chɛ sin to, wo a wɛɛ ma munda bia chɛndɛ a, wo e min chɛ wo nyɔn na. A dankama nɛnɛ an nɛ, wo an ma munda koadia a, wo nyɔn ko a.

1 CHƆN 3:11

Wo na‑a min na min, tima min na wo na‑a sakana bai chɛ a min a saa saa a, an nɛ, mbɛ mmɔ ni to mmɔ nyɔn na.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

1 CHƆN 4:7

N dia nyɔɛ nu, mmɔ a tun to koe a mmɔ nyɔn na, koe min na mu, koadia kaen mu Yataa an na. A sin, mɔ ɔ mɔ min to‑a a bɔɛ a, a mɔɛ chɛ mu Yataa 'a denɛ an na, a sin‑na Yataa sɔn fan.

KO Ɔ NUNDENƐ 2:4

Chɛɛ wo ma bɔ chia, ɛ dɔndɔ gbe. Koadia ee to wo faa ɔ chɛndɛ chɛ, yɔ a ni buɛ min dɔ a ɔ a saa a.