1 PITA 1:2 - Yataa 'a Dɔbɛnɛ Nama

² Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 1:2 ပူးပေါင်းရင်းမြစ်များ

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

MAKI 13:20

Chɛɛ Mansa Yataa‑a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MAKI 13:27

A sin, n mbe n 'na maeka n na ta‑a wan, an ni mɔɛ chɛ n na sɔn sɔn, n‑na n boo sɔ miin ma, ma koe a n ta mɔɛ n na. N mbe an na sɔn sɔn‑da wan, a ka dunya tɔnkɔnɛ naaninɛ gbɛɛ ɔ, a ka kan kɔ kan dunya gbɛɛ ɔ.”

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

CHISƆSI 'A SƆ MƆƐ NU 15:18

N sin‑na koe chɛ n kɔɔ fɔ wan, kɛn suun tima a.” ’

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO DOMI KO A 11:2

Yataa ma ban ni a 'a mɔɛ chɛ n dɔ, a na‑a a boo sɔ ka miin ma kɛn suun, ma koe a a ta mɔɛ n na. Kai Idaicha na‑a gbonyɛ wan Yataa tena a si an ma. Wo‑a a ɔ sɔn fan a nyɛnden mu buɛ min dɔ an disa chɛ tena chɛ Yataa 'a gboo ɔ.

GBOO DOMI KO A 11:28

Chu mɔɛ n ban‑da wan Yataa 'a sakana bai ɔ, min‑na an ma Yataa chɛɛ ma nyɔɛ n na. Chɛ ma min chɛ‑a, wo‑a a tɔnɔnɛ ma sɔn fan. Chɛɛ chia dɔndɔɛ a, Yataa‑a a yian fan, mbɛ a toen mu Chu mɔɛ n na. Koe min na mu, a na‑a an bemba n ta bemba n too ɔ dia wan chɛndɛ chɛ.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO DOMI KO A 16:19

Mɔ ɔ mɔ‑a a min fan, wo kooen mu buɛ min dɔ Mansa Chisɔsi tena. Chɛ gbu sin‑na a ma, n bu ɔ dia‑a wo ko a kaka. N toen mu, fen kɔ fen min nyin, wo 'a yiimatɛ ni koa an ma koe a. Chɛɛ ko ɔ ko min yau, a yiima gbu ma ma wo ɔ a ma koe a.

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

GBOO DOMI KO A 8:13

Koe min na mu, ni wo ma‑a an gbasaya chɛ kɔɔ, wo e na‑a wan fa‑a kuɔ fɔ ko a. Chɛɛ ni Yataa Nyina chɛ‑a a ma, wo sɛmbɛ‑a fion an ko yama n na, wo e kuɔ fɔ fɔɛ ma sɔn‑da wan.

GBOO DOMI KO A 8:33

Mɔ ee nɔ min mbe kunɛ si chɛ n kun ma, Yataa‑a a boo sɔ ka a 'a mɔɛ miin ma. Yataa wandi ban‑da a fɔ‑a, mbɛ mɔ chɛndɛ mu an na.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

GBOO FEAN BƆƐ KƆYINDI KO A 10:5

Kɔɔsa bia gbɛɛ, nn mbe a yɔn fan. Nn ni yɛ, dɔpandaya min mbe mɔɛ n dɔ, min mbe an ka‑a tena Yataa sɔn‑da, nn ni a yɔn. Yiima kan kɔ kan ni ma nn boo ɔ bia ɔ, don koe a Chasi kɔɔ.

Gboo Kɔdɔsai Ko A 3:12

Wo gbɛɛ, wo e gbɛ Yataa an na boo ma. A to‑a wan wo a, a sin‑na a boo sɔ wan wo ma, a ta mɔɛ n na. Chɛ an‑na a fɔ, chinchimaya faa ni ma wo ɔ, ni ko chɛndɛ ma faa. A yɛ to, wo ni wo wandi ma yii, wo ni wo ma chima, a sin, wo ni wo faa bia.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 11:28

A kai faen fan ni Yataa a, min na‑a a ma, a‑a a ma, Isɔɛɛ mɔɛ n‑na a kuu sɔ kun bɔ a ɔ bɛnɛ bia‑a. A na‑a a fɔ wan Isɔɛɛ mɔɛ n ye, a ɔ, an mbe sa tɔngbɔɛ min fa‑a, an ni a wii sin sin an 'na kankanɛ n ma. Chɛ an mbe a ma‑a, maeka min ni na‑a an 'na den kaima saa saa n fa koe a, a ni tin Isɔɛɛ mɔɛ n 'na denɛ n kun ma.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

1 PITA 1:14

Wo ma yɔ den mɛsɛ nu, miin kooen mu Yataa tena. A sin, fɔɛ chɛ ɔ, wo faa ma koe n ma ben wo ma. Koe chɛ nu, wo toen ni miin na, tima min na wo nii ma sakana bai chɛndɛ chɛ a min nin bɛ, a si Chisɔsi Chasi ma.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

2 PITA 1:2

Yataa ni wo dua, a ni faachima ma munda wo ɔ. Koe min na mu, wo‑a a sɔn fan. A yɛ to, wo‑a mmɔ 'a mansa Chisɔsi wɛɛ sɔn fan.

2 CHƆN 1:1

N fan chɔchi gbakoo, n fan mbe gboo chɛ nyɛn tena i tena, i wan musu chɛ, Yataa faa ma chɛ, wo bɛ i 'a denɛ n na. Wo e Yataa 'a chia an ma, an fɛ mu, wo ko a di n ye. N dɔndɔ gbe ma to ni wo a, chɛɛ mɔɛ chɛ n gbɛɛ, miin‑na Yataa 'a tea sɔn, an gbɛɛ toen fan mu wo a.

2 CHƆN 1:13

I suun ma nyɔɛ musu ma, Yataa faa ma chɛ, a 'a denɛ n‑na i kɔndɔn.

CHUDA 1:2

Yataa ni a a tun chinchin koe a wo ma, a ni faachima be wo ma, a ni a ma wo ni to wo nyɔn na.