1 PITA 1:17 - Yataa 'a Dɔbɛnɛ Nama

¹⁷ Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.

1 PITA 1:17 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 6:9

Ni wo toen mu wo ni samunɛ chɛ, wo‑a a fɔ, wo ɔ, ‘Fa Yataa, i wɛn mbe banda bu ɔ, mɔ ɔ mɔ ni tando be i ma.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO FEAN BƆƐ KƆYINDI KO A 1:2

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO FEAN BƆƐ KƆYINDI KO A 5:6

Chɛ an fɛ mu, tima ɔ tima ko a, faachima koo mmɔ ɔ. Mmɔ gbu‑a a ɔ sɔn fan, mbɛ ni mmɔ ɛ wɛ tun dunya ma gboo chɛ an dɔ, mbɛ mmɔ ee ma‑a Mansa Chisɔsi waa a.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

GBOO FEAN BƆƐ KƆYINDI KO A 7:11

Wo wandi gbu, wo a ɔ yen bɛ, wo 'a faayɔnɛ chɛ, Yataa‑a min dɔ bɛn wo ko a, a ma‑a koe min na wo tena. Wo ma‑a gbɛ tea mɔ wa an na, wo ma bɛndenɛ ɛ a ɔ yen koe a, mbɛ wo ma ko yama ma ni. Wo faa tɛ‑a wan, wo chian‑da, yiinachii ko a wo ɔ, mbɛ wo‑a wo wandi be, wo ma bɛndenɛ ɛ ko yama ma mɔɛ n tɔɔya koe a. Wo gbu, wo‑a a ɔ yian, mbɛ mabɔ ee wo ma, chia ɔ chia a, an koe gbu gbɛɛ ɔ.

Gboo Kadesia Ko A 2:6

A sin, mɔɛ chɛ nu, baa ni miin ma (Yataa ee mɔ gbu tɛ bɔ, chɛ ko a mu, n ma n gbɔsɔ ni an ni buɛ min dɔ), an nɛnɛ nu, an nii ma fen fen na. Ka n ni chɛ fɔ to, mɔɛ miin mu, baa ni an ma, an nii ma fen kɔ fen sa ni n 'na sakana bai kun ma.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 3:14

Chɛ an fɛ mu, n mbe n kumbai gbangban tena mmɔ Fa Yataa chen kɔɔ.

Gboo Ɛfisɔsi Ko A 6:9

Wo wan yɔn ti nu, wo wɛɛ, wo wo 'a yɔnɛ n bia a buɛ chɛ ɔ. Wo sɛmbɛ a ma koe a, tima ɔ tima ko a, an ni chian wo ma. Wo ni a ɔ sɔn, mbɛ wo bɛ an na, wo e min ko a, ɛ banda bu ɔ wan. A sin, a ee mɔ gbu n tɛ bɔ, ɛnden bɛɛ a.

Gboo Fiipai Ko A 2:12

N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.

Gboo Kɔdɔsai Ko A 3:25

Chɛɛ ko yama ma mɔɛ, ɛ a 'a pawa ma sɔn‑da wan an koe chɛ ko a, a‑a min ma. A sin, Yataa ee mɔ ɔ mɔ a yɛ‑a a boo kɔ, ɛ ma‑a chɛ ma‑a.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.