1 PITA 1:15 - Yataa 'a Dɔbɛnɛ Nama

¹⁵ Chɛɛ wo e koe miin ma, an ni ma ko chɛndɛ n dechee an na. Wo ni ma yɔ Yataa, min na‑a wo chee, a ee ko yama kan kɔ kan ma.

1 PITA 1:15 ပူးပေါင်းရင်းမြစ်များ

MATIU 5:48

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

GBOO IBU MƆƐ N KO A 12:14

Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.

CHIMISI 3:13

Wo tɛ ɔ, ni mɔɛ min yiima tɛen mu, a‑a koe ɔ gbɛ, an mɔɛ chɛ ni chɛ ma. Mɔɛ n ni a ɔ yen, fɔɛ chɛndɛ ma, ɛ min dɔ. An ni a ɔ yen ko chɛndɛ ma, ɛ min ma, yonka ee a fɛ. Chɛ an mbe yiimatɛ ɔ yian.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

GBOO IBU MƆƐ N KO A 13:5

Kɔpɔɛ wakoe ma ma wo faa ɔ kaka. Chɛɛ fen kɔ fen min mbe wo boo ɔ, wo bu ɔ ni dia, mbɛ ɛ wo boo ɔ. Koe min na mu, Yataa‑a a fɔ wan a 'a gboo ɔ, a ɔ, “N mbe ee i dɔndɔ gbe to‑a, n sin, n mbe ee i boo ka‑a.”

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

Gboo Fiipai Ko A 3:20

Chɛɛ mmɔ tana, mmɔ waa chɛndɛ chɛndɛ mu banda bu ɔ an na. A sin, mmɔ kun ka mɔɛ chɛ, Mansa Chisɔsi Chasi, mmɔ ɛ min ma kɔn tena, ɛ ka tena nɔ wan.

Gboo Fiipai Ko A 3:14

N mbe n fɔsɔ tena, ya ɔ ma an ko a, n ni tɔnɔnɛ chɛ ma sɔn. Mɔɛ min fea Chisɔsi Chasi a, an ma‑a mɔ dɔndɔɛ a, ɛ tɔnɔnɛ min ma sɔn, ni Yataa‑a an mɔɛ chee banda bu ɔ.

KO Ɔ NUNDENƐ 6:10

Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 PITA 3:16

Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

Gboo Saa Tɛsadonika Ko A 2:12

Nn‑na wo nande wan, nn‑na wo bu ɔ dia. Nn‑na a ma din fan wo tena, mbɛ wo ni ma fɔɛ ɔ, min na di Yataa ye. A wan mbe wo chee tena, ma koe a a 'a mansaya kɔɔ, manɛ ɔ.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

GBOO DOMI KO A 9:24

Koe min na mu, a na‑a mɔɛ miin chee, an mu mmɔ wan na. A nii ma mmɔ wan Chu mɔɛ n dechee an chee ni, chɛɛ mmɔ dɔ n bɛɛ, mmɔ wɛn ma Chu mɔ a, a na‑a mmɔ wɛɛ chee wan.