1 PITA 1:13 - Yataa 'a Dɔbɛnɛ Nama

¹³ Chɛ an fɛ mu, wo wo yiima ɔ bɛn gbɛ chɛndɛ chɛ, wai n chɛ koe a, wo e min chɛ. Wo kun wo tachɛ buɛ kun ma fɛn‑da tima ɔ tima ko a, wai chɛ koe a. Wo yii na tɛenɛ ni ma gbae dua chɛ ma, min mbe be‑a wo ma. Dua chɛ, wo e min sɔn‑da, Yataa ɛ Chisɔsi Chasi yian‑da tima min na.

1 PITA 1:13 ပူးပေါင်းရင်းမြစ်များ

MATIU 20:4

Mbɛ a‑a a fɔ an bɛɛ ye, a ɔ, ‘Wo wɛɛ, wo na, wo ni ta wai chɛ n 'na yadi ɔ. N mbe wo buɔdia pawa chɛ‑a wan wo a.’

DUKU 12:35

Chisɔsi ɔ, “Wo wo ma bɛn, mbɛ wo‑a wo 'a dambo a man wai chɛ koe a.

DUKU 17:30

Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe n 'na gbasaya ɔ yian‑da.

DUKU 17:8

Chɛɛ e a fɔ‑a wan, i ɔ, a ni daun fenɛ ɔ bɛn i ye. Mbɛ a na‑a fen kɔ fen na, e min daun. Ni i ban‑da daunɛ chɛ‑a, a tima an na mu, ɛ a ta daunɛ chɛ.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO DOMI KO A 8:19

Yataa‑a fenɛ miin gbɛɛ a dan, an gbɛɛ ɛ wan gbɛ makɔnɛ chɛ‑a nyaka, nyaka, tima chɛ ko a, tima min na Yataa ɛ a 'a denɛ n yian‑da.

GBOO SAA KƆYINDI KO A 1:7

Chɛ ko a, Yataa Nyina ɛ dua kan kɔ kan min mbe, koe n ma koe a, wo‑a an ma sɔn, wo e ta‑a mmɔ 'a mansa Chisɔsi Chasi yɛ tima ma kɔn‑da.

GBOO SAA KƆYINDI KO A 13:13

Chɛ ni ma wɛɛ ma‑a, ko sawa an fan mbe nɔ, miin mbe ma‑a nɔ tun. An mu kai fa an na Chisɔsi a, yiinatɛ a ma, ni a ko a dia koe a mmɔ ye. Ko sawa chɛ n tɛ, a kuu ba mu koadia an na.

Gboo Ɛfisɔsi Ko A 6:14

Chɛ an fɛ mu, wo sɔ gban, wo ni tea ɔ gbɛ a si Yataa ma. A sin ni ma yɔ yuu wo bu tɛ. Wo ma nyina, mbɛ Yataa‑a wo ya mɔ tandenɛ n na a tena. Chɛ ɛ wo konde gbain‑da wan, yɔ soya 'a chɛɛ chɛ doma.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

GBOO IBU MƆƐ N KO A 10:35

Chɛ an fɛ mu, wo gboo ɔ ma fa. Koe min na mu, a dankama a, wo e tɔnɔnɛ ma sɔn‑da wan min koo.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 6:19

Mmɔ yii sɔen mu an ma, tima ɔ tima, mbɛ an mbe mmɔ fɔɛ si. A ɛ wan yɔ dɛndɛ chii yuu, ɛ a ma buɛ min dɔ ɛ sɔ chidi, a gba ɔ. Yiinatɛ chɛ, an mbe ma mmɔ ɔ, mmɔ ɛ ma don‑da Yataa 'a chenɛ bu ɔ, banda bu ɔ, Yataa chen kɔɔ.

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 PITA 1:10

Yataa 'a gbonka chɛ mɔɛ n na‑a a ɔ gbɛngbɛn fan chɛndɛ chɛ suun, koe ɔ sɔn koe a, a si bauncha chɛ ma. A sin, an na‑a bai fɔ wan, a si an koadia deman chɛ ma, Yataa ɛ min chɛ‑a wo a.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.