Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PITA 1:12 - Yataa 'a Dɔbɛnɛ Nama

12 Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

အခန်းကိုကြည့်ပါ။ ကော်ပီ




1 PITA 1:12
56 ပူးပေါင်းရင်းမြစ်များ  

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.


Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.


Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.


Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.


A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”


Yataa Nyina chɛ sin na‑a a yiima dia wan, mbɛ a ee fa‑a, ni a ma kunka mansa yen ni, Mansa Yataa ɛ min sɔ‑a.


Chisɔsi ban‑da kɛn bai chɛ n fɔ‑a an ye, mbɛ an ta‑a, an ben ben‑da konko n gbɛɛ ɔ. An‑na sakana bai chɛndɛ chɛ ɔ yian fan mɔɛ n na, an mbe ta‑a mɔɛ n baun‑da, ni an che‑a kan kɔ kan.


“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.


Pita to‑a koɔ tena wan, mbɛ Yataa Nyina bea‑a mɔɛ n gbɛɛ fɛ, miin ni an too ma sɔ tena a 'a sakana bai chɛ ma.


Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.


Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.


An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.


Yataa Nyina ni wan gbɛ Pita fɛ gban, min‑na a ma, a‑a a fɔ an ye, a ɔ, “Chɛnyɛ gbakoo n bɛ mansa n na, Isɔɛɛ mɔɛ n kun ma,


Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.


Chɛ an fɛ mu, n ma bɛnden mu tima ɔ tima ko a, Yataa 'a sakana bai ɔ yian koe a wo wɛɛ a Domi duu ɔ.


Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”


A sin to, sakana bai chɛ ɔ ee che yian‑da mɔɛ n na, ni Yataa ma mɔɛ n na fasan ni dunya ɔ, a ɔ yian koe a. A ni ma yɔ Yataa 'a gboo‑a a fɔ buɛ min dɔ, mbɛ a ma kawaen mu kaka, mbɛ mɔɛ chɛ n mbe chia a, miin mbe na tena sakana bai chɛndɛ a.


A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.


Chɛɛ Yataa‑a koe chɛ n dɔ yian mmɔ a, a Nyina 'a gbasaya an dɔ, a‑a min na na mmɔ tena. Koe min na mu, Yataa Nyina chɛ ɛ ko ɔ ko kɔɔ gbɛngbɛn fan, a ni ma Yataa yii ma koe wɛɛ a.


A sin fan‑na a boo gba to nn ma, a ɔ yian koe a, mbɛ nn mbe a wan ko a. A Nyina wɛɛ, a‑a a be wan nn ma to ma koe a nn fɛ. A ni a ma, nn ni dan a a, koe miin gbɛɛ a a boo ɔ nn ko a.


Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.


Koe min na mu, mɔ gbu an ma a be ni n ma, mɔ ɔ mɔ wɛɛ ma n kan ni a ma. Chɛɛ koe ɔ nunden chɛ, Chisɔsi Chasi wandi gbu, an‑na a ɔ yian n na.


a 'a denɛ yian koe a n na. A na‑a chɛ ma, min mbe a ma, n ni a wakoe ɔ yian mɔɛ n na, miin nii ma Chu mɔ a. A‑a a yian kɛn, n nii ma n kun puin ni mɔ gbu kan kɔ kan ma.


A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.


Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.


Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.


Mmɔ bɔ kɔnkɔɛ chɛ n sin, an nii ma sɛmbɛ ni an kai fa koe a Yataa a, aan an fa‑a a nyɔn na. An sin nii ma fen chɛ n ma sɔn ni, Yataa na‑a an too ɔ dia miin na. Chɛɛ an na‑a to pɔɔ wan, an‑na an fen chɛ n yen, mbɛ an bu ɔ dia‑a. An gbu sin dɔn‑da wan a ma den, mbɛ sonda mu an na, dunya chɛ ɔ.


Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.


Koe min na mu, sakana bai chɛndɛ chɛ, a che‑a buɛ min dɔ mmɔ ma, a che‑a ka wan an bɛɛ ma. Chɛɛ an sakana bai chɛ, an‑na min na min, an ma tɔnɔnɛ sɔn ni a ɔ. Koe min na mu, a nii ma danaya tan ni an dɔ, min sima ni ma an dɔ.


Chɛɛ Mansa Yataa da a bai, ɛ ma‑a wan kuɔ fɔ ko a.” Bai chɛ mu sakana bai chɛndɛ chɛ an na, min dɔ yian‑da wo a.


Chɛ an na‑a a ma, sakana bai chɛndɛ chɛ na‑a sa chɛ n bɛɛ tena, miin na‑a fa. Chɛ na‑a ma, min mbe a ma, ni an gboo na‑a tɔɔya wɛɛ saya a, an nyina ni ma nɔ fɔɛ ɔ, yɔ Yataa ɛ buɛ min dɔ.


Mbɛ n‑na n ya a ta to, mbɛ n‑na maeka n kuiɛ a min, an wu sɛsɛ, dan mbe ee an ma. An ni sɔ ɔ mansa sea chɛ 'a tindanɛ wan, fɔɛ fen chɛ n na tindanɛ, a basan gbakoo chɛ n na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ