1 PITA 1:1 - Yataa 'a Dɔbɛnɛ Nama

¹ N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

1 PITA 1:1 ပူးပေါင်းရင်းမြစ်များ

MATIU 10:2

A 'a sɔ mɔ tan kun ma fea chɛ n tɔɛ n fan nɛ. A saa tɔɛ an nɛ Saimɔn, a na‑a tɔ dɔ mende be min ma a ɔ, Pita, ni Saimɔn dɔɛ kaima Anduu. Chimisi ni a dɔɛ Chɔn, miin ni kai Sɛbɛdi 'a denɛ n na.

MATIU 24:22

Chɛɛ Yataa‑a a tee chɛ n ma wua, ko yawaen bia tee chɛ nu. Ni a nii ma an ma wua ni, mɔ gbu kan kɔ kan kun nii bɔ‑a a ɔ. Chɛɛ a‑a tee chɛ n ma wua a 'a mɔɛ chɛ n fan ko a, a‑a a boo sɔ miin ma, an ma koe a a 'a mɔɛ n na.”

MATIU 4:18

Tee dɔndɔ a, Chisɔsi ni tachɛ tena wan, Kadidi yii wa kaa a. A na‑a kamin fea n tan fan, dɔndɔɛ tɔ ni Saimɔn, min tɔɛ dɔndɔɛ ni Pita, an fea a dɔɛ Anduu a. Nyɛ gbain mɔɛ ni an na, an sin ni nyɛ gbainɛ an na yaa a.

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHƆN 7:35

Mbɛ Chu mɔɛ chɛ nu, miin ni Chisɔsi chɛɛ ma nyɔɛ n na, an bun‑da a da a bai chɛ tɛnsɛ‑a an nyɔn tɛ ɔ, an dɔ, “A e na ma ta‑a mende, mmɔ ee a yen kaina min? Kɔkɔɛ a ɛ ta tena duu dɔ mende n fan dɔ, mmɔ 'a mɔɛ dɔ n mbe kaina min, mbɛ a‑a mɔɛ n kan, miin ma mmɔ 'a mɔɛ n na.

CHISƆSI 'A SƆ MƆƐ NU 18:2

Kɔyindi ni, a‑a Chu mɔ dɔndɔ tan, min tɔ ni Akuida, a sin suun‑da Pɔndɔsi chɛnyɛ ɔ wan. A na nama ni ka, a ka Itadi chɛnyɛ ɔ, an fea a 'a musu Pisida a. Koe min na mu, Domi kun ti wa chɛ, min tɔ ni Kaudiyɔsi, a na‑a sawa a ben fan, mbɛ Chu mɔɛ n gbɛɛ ni bɔ Domi duu ɔ. Pɔɔ ta‑a wan an yen koe a,

CHISƆSI 'A SƆ MƆƐ NU 18:23

A‑a tima ɛnden ya kɛn nɔ wɛɛ, a bɔ‑a wan nɔ, mbɛ a ta‑a Kadesia an fea Fichiya chɛnyɛ ɔ a. A ta‑a wan duu sɛsɛ ɔ, an chɛnyɛ chɛ n dɔ. A ni wan a ma tena, Chisɔsi fɛ mɔɛ n gbɛɛ, an dɔ ɛ gbɛa‑a.

CHISƆSI 'A SƆ MƆƐ NU 19:10

Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

CHISƆSI 'A SƆ MƆƐ NU 8:4

Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na.

GBOO SAA KƆYINDI KO A 16:19

Chɔchi mɔɛ miin mbe Esia chɛnyɛ chɛ ɔ, an ni wo kɔndɔn. Akuida wɛɛ, an fea a 'a musu Pisida a, an‑na wo kɔndɔn. Mɔɛ chɛ n bɛɛ, miin mbe bɛn an 'na chenɛ a, an bɛɛ‑a wo kɔndɔn, buɔdia kɔndɔnɛ a.

GBOO FEAN BƆƐ KƆYINDI KO A 1:8

N suun ma nyɔɛ nu Chasi ɔ, nn ma to ni wo ni ma ka, ni nn ma‑a chɛ ɔ yian ni wo a. Ko gbɛama chɛ, nn‑na min dɔ bia Esia chɛnyɛ ɔ, nn ni a ɔ yian wo a. Suunɛ min na‑a si nn kun ma, a ni koo, a ni fanka ka wan to. A na‑a a ma wan, nn yii nii to ma koe a fɔɛ ɔ.

Gboo Ɛfisɔsi Ko A 2:12

Chɛ ni ma wo yii ma, mbɛ a tima chɛ a, wo tɛ duen fan ni wo bɛ Chisɔsi Chasi a. A yɛ to, wo kaen fan ni mɔɛ tɔɛ n kaa a, a bɔ kuiɛ dɔndɔya dɔbɛn chɛ ɔ Isɔɛɛ mɔɛ n tɛ. A sin, wo ma‑a sonda n na, dɔbɛn nama chɛ kɔɔ, Yataa‑a Isɔɛɛ mɔɛ n too ɔ dia min na. Yataa ee wo boo ɔ, dunya chɛ ɔ, wo sin yii na ma tɛ ni fen kɔ fen ma.

Gboo Ɛfisɔsi Ko A 2:19

Chɛ an fɛ mu gbɛ, wo wan, wo wɛn ma ka Chu mɔ a, sonda ma to wo a, ben‑da dechee chia a, Yataa waa a. Chɛɛ wo e wan gbɛ yɔ mɔɛ nu, nn bɛ suun‑da miin na chɛnyɛ dɔndɔ gbe ɔ, Yataa 'a mɔɛ nu.

2 TIMOTI 1:15

I‑a a ɔ sɔn fan mbɛ an gbɛɛ, an fɛn mbe Esia chɛnyɛ ɔ, an ka‑a n fɛ, an bɛ Fichɛdɔsi a, ni Amɔchɛnesi.

GBOO IBU MƆƐ N KO A 11:13

Mmɔ bɔ kɔnkɔɛ chɛ n sin, an nii ma sɛmbɛ ni an kai fa koe a Yataa a, aan an fa‑a a nyɔn na. An sin nii ma fen chɛ n ma sɔn ni, Yataa na‑a an too ɔ dia miin na. Chɛɛ an na‑a to pɔɔ wan, an‑na an fen chɛ n yen, mbɛ an bu ɔ dia‑a. An gbu sin dɔn‑da wan a ma den, mbɛ sonda mu an na, dunya chɛ ɔ.

CHIMISI 1:1

N fan Chimisi, n fan mbe gboo chɛ nyɛn tena. N mbe wai chɛ tena Yataa an ko a, an fea Mansa Chisɔsi Chasi a. N mbe a nyɛn tena wo wan tena, wo wan Yataa 'a mɔɛ nu, wo wɛn na fasandenɛ ɛ a ɔ gbɛɛ ben‑da dunya ɔ. N mbe wo gbɛɛ kɔndɔn tena kaka.

1 PITA 2:11

N dia nyɔɛ nu, sonda mu wo a nɛ dunya chɛ ɔ, mɔ gbama gbama nu. Chɛ an fɛ mu, n mbe wo disa tena, wo ma bea wo gboo faa ma koe n fan fɛ. Tima ɔ tima ko a, an koe chɛ n mbe butuin chɛ an na, wo fo koe a Yataa 'a bauncha a.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”