1 CHƆN 5:9 - Yataa 'a Dɔbɛnɛ Nama

⁹ Ni mmɔ ɛ dan fan mɔɛ n na, ni an‑na siiya bɔ mmɔ ye, a nyin fan mmɔ ni dan Yataa a, a ben mɔ gbu ma. Yataa wandi sin fan‑na siiya bɔ, a si a 'a denɛ Chisɔsi ma.

1 CHƆN 5:9 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 5:32

Nn fan mu koe chɛ n gbɛɛ ma sii a. A yɛ to, Yataa Nyina wɛɛ, min mbe bea mɔɛ fɛ, miin mbe kooya be Yataa ma, sii mu to a wɛɛ a.”

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

1 CHƆN 5:8

Sii saa saa mu Yataa Nyina an na, a fean bɔɛ mu yii a, a sawan bɔɛ mu wii a. Chɛ n sin gbɛɛ kuiɛ ɛ dɔndɔ gbe.