Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 CHƆN 5:20 - Yataa 'a Dɔbɛnɛ Nama

20 Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

အခန်းကိုကြည့်ပါ။ ကော်ပီ




1 CHƆN 5:20
53 ပူးပေါင်းရင်းမြစ်များ  

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.


Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.


A‑a a ma wan, an‑na Yataa 'a gboo ɔ gbɛ chɛndɛ chɛ.


Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.


Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.


Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.


Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.


Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?


Mmɔ ma mɔ dɔndɔya ɔ, wo ma n boo ka, n bɛɛ, n mbe ee wo boo ka‑a. Kɔnɛ bonɛ ee kun a ni gbɔ be, ni a kaenɛ ma‑a kɔnɛ kuu ba ma. A chia dɔndɔ gbe chɛ a, wo wɛɛ, wo ee kun wo ni ko ɔ ko ma, mɔɔ ni mmɔ bɛ ma‑a mɔ dɔndɔya ɔ.


I‑a sakana min be n ma an ko a, n‑na a ben fan an tena. An sin, an bɛ ee mɔɛ chɛ n na ko dɔndɔ ɔ, i wakoe ee miin faa ɔ. Chɛ ko a, an fɛn mbe i faa ma koe ma ka, an ko a ma di chɛ n ye, miin mbe ee i faa ma koe ma ka.


Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.


Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.


Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”


Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.


Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.


An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.


A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.


A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.


Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.


Chɛ ɛ a ma‑a wan, wo ni a ɔ gbɛ chɛndɛ chɛ, wo 'a koadia da a koo buɛ min dɔ Chasi faa ɔ. A yɛ to, Yataa 'a mɔɛ tɔɛ n gbɛɛ, an bɛɛ ni a ɔ gbɛ a buɛ chɛ ɔ.


mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.


Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.


Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.


Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.


Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.


Wo‑a min na min, a ka sakana bai chɛndɛ chɛ a min tima saa saa ma, wo a sa wo faa ɔ. Ni wo‑a an sa wo faa ɔ, wo e ma‑a wan mɔ dɔndɔɛ a Yataa 'a denɛ a, an fea Fa Yataa a.


Mɔ ɔ mɔ, min mbe a fɔ‑a, mbɛ an ma‑a mɔ dɔndɔɛ a Yataa a, a ni sɔ Chisɔsi chen gba ɔ.


A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.


Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.


Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.


Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.


A sin, ni mmɔ‑a a ɔ sɔn, mbɛ Yataa ɛ mmɔ 'a samunɛ a min fan, mmɔ ɛ dan fan gbɛ a, mbɛ mmɔ ɛ samunɛ chɛ tena fenɛ min ko a, mmɔ ɛ a ma sɔn‑da wan.


Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.


Koe min na mu, mɔɛ min mbe kun dunya chɛ ma, an mu dechee mɔɛ chɛ a, min danden mu a a, mbɛ Chisɔsi mu Yataa 'a denɛ an na.


Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.


Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.


Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”


Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”


Mbɛ an‑na yee tɛ dɔndɔ a, an dɔ, “Yataa wa, nn 'na mansa, i kan nyɔ ee, i teaen mu. Mɔɛ n yen ko, miin‑na nn fa dunya ma. I ma tima ɔ yansama ya to, na koe a, i ni kaa a tɛ an ma, mbɛ i‑a tɔɔya si an bɛɛ a.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ