1 CHƆN 5:19 - Yataa 'a Dɔbɛnɛ Nama

¹⁹ Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

1 CHƆN 5:19 ပူးပေါင်းရင်းမြစ်များ

DUKU 4:6

Mbɛ Sitana ɔ, “N mbe gbasaya be‑a wan i ma chɛnyɛ chɛ gbɛɛ kun ma, a sin, nyan chɛ gbɛɛ dunya chɛ ɔ, ɛ ma‑a i ta an na. N fan ta mu gbɛ an gbɛɛ a, n sin mbe kun fan, n ni a be mɔ ɔ mɔ ma, n toen mu mɔɛ min na.

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHƆN 17:15

N mbe ee samunɛ chɛ tena gbɛ, min mbe a ma, i ni an bɔ dunya chɛ ɔ. Chɛɛ n mbe a chɛ tena, i ni an kun ma fɛn Sitana boo ɔ, nyina yama chɛ.

GBOO DOMI KO A 8:16

Yataa Nyina chɛ, an sa‑a mmɔ ta nyina n kaa a, a fɔ koe a, mbɛ Yataa 'a denɛ n mu mmɔ a.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Ɛfisɔsi Ko A 2:2

An tima chɛ a, wo ni tachɛ tena wan, wo 'a fɔɛ ɔ, wo beaenɛ ɛ dunya chɛ ɔ mɔɛ n ta chia fɛ. Nyina yama n ya ɔ sɔɛ, dunya chɛ ɔ, gbasaya ɛ min boo ɔ ben‑da banda a, wo beaen ni an fɛ. An nyina chɛ, sanche chɛ ɔ, an mbe wai chɛ tena mɔɛ n na, miin mbe ee dɔn an too ma sɔ koe a Yataa ma.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

1 CHƆN 5:13

N mbe gboo chɛ nyɛn tena wo wan tena, wo wɛn kai faen mu Yataa 'a denɛ a, min mbe a ma, wo ni a ɔ sɔn, mbɛ wo‑a kuɔ fɔ fɔɛ ma sɔn.

1 CHƆN 5:15

A sin, ni mmɔ‑a a ɔ sɔn, mbɛ Yataa ɛ mmɔ 'a samunɛ a min fan, mmɔ ɛ dan fan gbɛ a, mbɛ mmɔ ɛ samunɛ chɛ tena fenɛ min ko a, mmɔ ɛ a ma sɔn‑da wan.

1 CHƆN 5:18

Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 20:3

Mbɛ a‑a a a dɛ son dɔ yansama wa chɛ ɔ, a‑a a da bun a a, mbɛ a‑a son chɛ da a tɔn gban. Chɛ ɛ a ma‑a wan, a ee dunya bun‑da to kuɔ fɔ, aan san wu dɔndɔɛ (1,000) chɛ ni ban. Chɛ gbakɔ, a ɛ fuin‑da wan tima kundu ɛnden ko a.