1 CHƆN 5:18 - Yataa 'a Dɔbɛnɛ Nama

¹⁸ Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.

1 CHƆN 5:18 ပူးပေါင်းရင်းမြစ်များ

MATIU 5:37

Wo e min ma, an mu yɔ chɛ, ni wo dɔn‑da gbɛ koe min ma, wo dɔn a ma wo faa gbɛɛ a. A sin, ni wo ma dɔn ni koe min ma a saa a, wo ma yɛ to, wo ni dɔn a ma a danka a. Bai dɔ mende kan kɔ kan, min mbe bɔ‑a wo da a a ben chɛ ma, Sitana an mbe a ma‑a wo ni a fɔ.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

CHƆN 1:13

An ma ma ni Yataa 'a denɛ n na mɔgbuya ta chia an na. Yataa wandi an‑na a ma, an ma‑a a 'a denɛ n na.

CHƆN 14:30

Mmɔ ee che to chia ɔ bɔ yansama chɛ‑a mmɔ bɛ, a mu min na, nyina yama min 'na gbasaya ɛ dunya chɛ ɔ mɔɛ n kun ma, ɛ chia a. Chɛɛ gbasaya ee a boo ɔ n kun ma.

CHƆN 15:4

Mmɔ ma mɔ dɔndɔya ɔ, wo ma n boo ka, n bɛɛ, n mbe ee wo boo ka‑a. Kɔnɛ bonɛ ee kun a ni gbɔ be, ni a kaenɛ ma‑a kɔnɛ kuu ba ma. A chia dɔndɔ gbe chɛ a, wo wɛɛ, wo ee kun wo ni ko ɔ ko ma, mɔɔ ni mmɔ bɛ ma‑a mɔ dɔndɔya ɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 15:9

N toen fan mu wo a, yɔ Fa wɛɛ toen mu buɛ min dɔ n na. Wo ma wo kan kɔ sɔ n 'na koadia a.

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHIMISI 1:18

Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

1 PITA 1:23

A mu min na, Yataa‑a a ma wan, wo suun‑da to a nama a. Wo 'a fɔɛ nama chɛ, wo woo mɔɛ nu dunya ma, an fan ma a be ni wo ma. Koe min na mu, an‑na fɔɛ min be wo ma, ɛ danka‑a saya an dɔ. Chɛɛ fɔɛ nama chɛ tana, ɛ ma‑a wan kuɔ fɔ ko a. Koe min na mu, Yataa da a bai chɛ, fɔɛ ɛ min dɔ, ɛ ma‑a wan nɔ kuɔ fɔ ko a.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.

1 CHƆN 3:9

Mɔ ɔ mɔ min mu Yataa 'a denɛ a, a ee ko yama ma bia a boo fea a. Koe min na mu, Yataa wandi Nyina ɛ wan a fɛ. A sin, a ee a a tun‑da ko yama ma koe a. Koe min na mu, a ma‑a gbɛ Yataa 'a denɛ a.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

1 CHƆN 5:15

A sin, ni mmɔ‑a a ɔ sɔn, mbɛ Yataa ɛ mmɔ 'a samunɛ a min fan, mmɔ ɛ dan fan gbɛ a, mbɛ mmɔ ɛ samunɛ chɛ tena fenɛ min ko a, mmɔ ɛ a ma sɔn‑da wan.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

1 CHƆN 5:21

N 'na denɛ nu, wo ma a ma, fen kɔ fen bakoe ni ben Yataa ma, wo faa n dɔ.

1 CHƆN 5:4

A mu min na, mɔ ɔ mɔ min mu Yataa 'a denɛ a, dunya chɛ ɛ ma a chen kɔɔ wan. A sin, mmɔ 'a danaya Yataa a, an‑na a ma, mmɔ kun‑da dunya chɛ ma.

CHUDA 1:21

Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.