1 CHƆN 5:13 - Yataa 'a Dɔbɛnɛ Nama

¹³ N mbe gboo chɛ nyɛn tena wo wan tena, wo wɛn kai faen mu Yataa 'a denɛ a, min mbe a ma, wo ni a ɔ sɔn, mbɛ wo‑a kuɔ fɔ fɔɛ ma sɔn.

1 CHƆN 5:13 ပူးပေါင်းရင်းမြစ်များ

CHƆN 1:12

Chɛɛ mɔɛ n‑na an boo si wan a kɔɔ, miin‑na an kai fa a a. Chɛ ko a, an mɔɛ chɛ nu, a‑a gbasaya be wan an ma, ma koe a Yataa 'a denɛ n na.

CHƆN 2:23

Chisɔsi ni tima min na Chuusaɛn duu ɔ, kun bɔ a ɔ bɛn chɛ tima a, mɔɛ sɛsɛ na‑a an kai fa wan a a. Koe min na mu, an na‑a a ɔ yen fan, a na‑a kamaya koe miin ma.

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 21:24

N fan mu an fɛ den chɛ a, n fan‑na koe chɛ n gbɛɛ ɔ yen, mbɛ n‑na an nyɛn nɛ n 'na gboo chɛ ɔ. A sin, mmɔ‑a a ɔ sɔn fan, mbɛ n‑na miin gbɛɛ fɔ, mbɛ tea bai nu mu an na.

CHƆN 3:18

Mɔ ɔ mɔ min mbe a kai fa‑a a 'a Den chɛ a, Yataa ee kaa a tɛ‑a a wakoe ma, a ni tɔɔ. Chɛɛ mɔ ɔ mɔ min ma a kai fa ni a a, kaa a bandenɛ mu tɛ‑a a wakoe ma, a tɔɔ koe a, a mu min na, a ma a kai fa ni Yataa 'a Den dɔndɔ gbe a.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHISƆSI 'A SƆ MƆƐ NU 3:16

Kaifa chɛ sin Chisɔsi a, an‑na a ma, namaa chɛ baun‑da ka. Wo kamin chɛ ma fɛn, wo gbɛɛ‑a a sɔn fan. Kaifa Chisɔsi a, an‑na a ma ka, kamin chɛ baun‑da fɛsɛ fɛsɛ, yɔ wo gbɛɛ‑a a ɔ yen buɛ min dɔ.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

GBOO FEAN BƆƐ KƆYINDI KO A 5:1

Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.

Gboo Kadesia Ko A 4:6

Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

1 CHƆN 1:4

Nn mbe gboo chɛ nyɛn tena wo tena, min mbe a ma, nn 'na buɔdia da ni fa gban.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.

1 CHƆN 2:21

N mbe gboo chɛ nyɛnɛ min chɛ tena wo tena, n mbe ee a fɔ tena wan ka, mbɛ wo ma tea sɔn. Koe min na mu, wo‑a a sɔn fan. A sin to, wo‑a a ɔ sɔn fan to, mbɛ fania kan kɔ kan mbe ee che a ma‑a, wo ni ka tea chia chɛ ma.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

1 CHƆN 2:26

N mbe bai chɛ n gbɛɛ nyɛn tena wo tena, a sien mu mɔɛ chɛ n fan ma, miin toen mu an ni wo bun.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 4:9

Yataa 'a koadia, a na‑a a ɔ yian ka wan mmɔ a. A na‑a a 'a den dɔndɔ gbe a na wan dunya chɛ ɔ, min mbe a ma, mmɔ ni kuɔ fɔ fɔɛ ma sɔn.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

1 CHƆN 5:11

Yataa‑a siiya chɛ ɔ te, mbɛ a‑a kuɔ fɔ fɔɛ be wan mmɔ ma. A sin, a ma ɛ sɔn a 'a denɛ Chisɔsi an na.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.