1 CHƆN 5:10 - Yataa 'a Dɔbɛnɛ Nama

¹⁰ Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

1 CHƆN 5:10 ပူးပေါင်းရင်းမြစ်များ

CHƆN 3:16

Yataa na‑a a 'a Den dɔndɔ gbe be wan, a ɔ yian koe a mɔɛ n na dunya ɔ, koadia min nyɔn sima ɛ a faa ɔ, mɔɛ gbɛɛ ko a. Chɛ an fɛ mu, ni mɔ ɔ mɔ‑a a kai fa a 'a Den chɛ a, a ee fa‑a, a ni to saya ɔ, chɛɛ ɛ kuɔ fɔ fɔɛ ma sɔn‑da wan.

CHƆN 3:18

Mɔ ɔ mɔ min mbe a kai fa‑a a 'a Den chɛ a, Yataa ee kaa a tɛ‑a a wakoe ma, a ni tɔɔ. Chɛɛ mɔ ɔ mɔ min ma a kai fa ni a a, kaa a bandenɛ mu tɛ‑a a wakoe ma, a tɔɔ koe a, a mu min na, a ma a kai fa ni Yataa 'a Den dɔndɔ gbe a.

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

CHƆN 5:38

A sin, a 'a sakana bai ma si tena sɔn ni wo faa n dɔ. Koe min na mu, wo ma dan ni n na, a‑a n fɛn sɔ.

GBOO DOMI KO A 8:16

Yataa Nyina chɛ, an sa‑a mmɔ ta nyina n kaa a, a fɔ koe a, mbɛ Yataa 'a denɛ n mu mmɔ a.

Gboo Kadesia Ko A 4:1

Chɛɛ ka n mbe tɔmɔsi chɛ be, wo ni n da a kuiɛ ɔ gbɛ. Ni den mɛsɛ ma‑a wɛ tima min na denmɛsɛya ɔ, ɛ wan yɔ yɔnɛ. Boo fenɛ min mbe a fa boo ɔ, a mu wɛɛ a ta a, chɛɛ gbasaya ee wɛ a boo ɔ, an boo fen chɛ n kun ma.

Gboo Kadesia Ko A 4:6

Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

GBOO IBU MƆƐ N KO A 3:12

N suun ma nyɔɛ nu Chasi ɔ, wo wo kun ma fɛn, wo dɔndɔ wɛɛ, ko yama ma faa ma na dɛ wo ɔ. A ni a ma, wo ee dan Yataa a. Chɛ ɛ a ma‑a wan, wo ni wo kan kɔ sɔ Yataa a, min mbe ee fa.

2 PITA 1:19

Chɛ an fɛ mu gbɛ mmɔ gbu 'a danaya gbu ɔ gbɛa‑a gbɛ, sakana bai chɛ a, Yataa 'a gbonka chɛ mɔɛ n na‑a min dɔ yian suun. Ɛ nyan‑da wan wo ko a, ni wo‑a wo too ma sɔ a ma. Koe min na mu, ɛ wan yɔ dambo manɛ si ɔ pimbi pimbi ɔ. Ɛ ma wan man‑da aan banda ɔ ni ka, mbɛ sayi ma tɔmbuaka man‑da wo faa ɔ, min mu Chisɔsi wandi a.

1 CHƆN 1:10

Ni mmɔ‑a a fɔ, mbɛ mmɔ ma ko yama kan kɔ kan ma nin bɛ, mmɔ ɛ ma‑a ka a fɔ an na, mbɛ Yataa ma teaya ni. A sin, a da a bai ee si tena sɔn‑da mmɔ faa ɔ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

KO Ɔ NUNDENƐ 12:17

Chɛ‑a a ma wan, fɔɛ fen ma chianden chɛ faa gbandia‑a kaka, musu chɛ boo ɔ. Mbɛ a‑a a kun sɔ gbɛ musu chɛ cheeya n na, a‑a chɛɛ bun an ma. Cheeya chɛ nu, an mu mɔɛ chɛ n fan na, miin mbe Yataa da a kuiɛ ma, an sin, an kai faen fan mu tea chɛ a, min ka‑a Chisɔsi tena.

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”