1 Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.
Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.
Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”
Yataa wandi gbu ta dɔbɛn chɛndɛ ɔ mu, a‑a mmɔ ya a ta denɛ n na. Yataa‑a a ma wan, a 'a bai, min mu tea a, a‑a fɔɛ nama be mmɔ ma. Chɛ‑a a ma wan, fen fen a na‑a min na dan, mmɔ wan mu a saa a.
Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.
Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.
Mɔ ɔ mɔ min boo cheen mu deman chɛ koe a, a ni a suun ma nyɔɛ deman, min ya kɔɔ tawaen mu. Chɛɛ ni a‑a a faa a kɔɔ a suun ma nyɔɛ chɛ ma, a ee che a fɔ‑a, mbɛ a toen fan mu Yataa a a faa ɔ.
Mɔ ɔ mɔ min mu Yataa 'a denɛ a, a ee ko yama ma bia a boo fea a. Koe min na mu, Yataa wandi Nyina ɛ wan a fɛ. A sin, a ee a a tun‑da ko yama ma koe a. Koe min na mu, a ma‑a gbɛ Yataa 'a denɛ a.
Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.
Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.
N dia nyɔɛ nu, mmɔ a tun to koe a mmɔ nyɔn na, koe min na mu, koadia kaen mu Yataa an na. A sin, mɔ ɔ mɔ min to‑a a bɔɛ a, a mɔɛ chɛ mu Yataa 'a denɛ an na, a sin‑na Yataa sɔn fan.
Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.