N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.
Chɛɛ chinchimaya koo, Yataa boo ɔ. An fɛ mu, mmɔ faen chɛ ni wɛɛ, mmɔ 'a ko yama n boo ɔ, a‑a fɔɛ nama be wan mmɔ ma, mmɔ bɛ Chasi a. A toen mu buɛ min dɔ mmɔ a, a koo. Chɛ an fɛ mu, a 'a koadia demanɛ dechee, an‑na mmɔ baun.
Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.
Mɔ ɔ mɔ min mu mɔ dɔndɔɛ a, an fea Chisɔsi a, a mɔɛ chɛ ee ko yama ma a tun. Chɛɛ ni mɔ ɔ mɔ‑a a boo a chii ko yama ma koe ma, a mɔɛ chɛ ma Chisɔsi yen nin bɛ a yiima ɔ, a gbu sin ma a sɔn.
Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.
N dia nyɔɛ nu, mmɔ a tun to koe a mmɔ nyɔn na, koe min na mu, koadia kaen mu Yataa an na. A sin, mɔ ɔ mɔ min to‑a a bɔɛ a, a mɔɛ chɛ mu Yataa 'a denɛ an na, a sin‑na Yataa sɔn fan.