1 CHƆN 4:7 - Yataa 'a Dɔbɛnɛ Nama

⁷ N dia nyɔɛ nu, mmɔ a tun to koe a mmɔ nyɔn na, koe min na mu, koadia kaen mu Yataa an na. A sin, mɔ ɔ mɔ min to‑a a bɔɛ a, a mɔɛ chɛ mu Yataa 'a denɛ an na, a sin‑na Yataa sɔn fan.

1 CHƆN 4:7 ပူးပေါင်းရင်းမြစ်များ

CHƆN 13:34

A sin sanche, n yen ko sawa nama be‑a wo ma, n ma min be nin bɛ a kɔma a, mbɛ wo ni to wo nyɔn na. N to‑a buɛ min dɔ wo a, wo wɛɛ, wo to wo nyɔn na ka.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

GBOO SAA KƆYINDI KO A 8:3

Chɛɛ ni Yataa ko a dia‑a mɔɛ ye, ɛ a mɔɛ chɛ sɔn fan.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Kadesia Ko A 4:9

Chɛɛ sanche chɛ ɔ, wo‑a Yataa sɔn gbɛ. Chɛɛ tea gbu ko a, Yataa an‑na wo sɔn. Tea gbu ko a, a ee che ma‑a wo 'a yiinachii ɔ, wo ni mun to, wo ni bea nyina yama chɛ n fɛ, fanka ee ka miin na, a sin, an mbe ben‑da fen fuinɛ a. Wo e chɛ ma wan? A ee ma to wo 'a yiinachii ɔ ɛnden bɛɛ a, wo ma koe a to, an 'na yɔnɛ n na.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 CHƆN 2:10

Chɛɛ mɔ ɔ mɔ min toen mu a suun ma nyɔɛ a, ɛ ka Yataa 'a manɛ an kɔɔ. A sin, ko ɔ ko ee a faa ɔ, min mbe a ma, a ni bea.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

1 CHƆN 2:3

Ni mmɔ dɔn‑da Yataa 'a sawa n na tachɛ koe a, yɔ ɛ a fɔ‑a buɛ min dɔ mmɔ ye, mbɛ mmɔ‑a a ɔ gbɛ, mbɛ mmɔ‑a a sɔn fan.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

1 CHƆN 3:9

Mɔ ɔ mɔ min mu Yataa 'a denɛ a, a ee ko yama ma bia a boo fea a. Koe min na mu, Yataa wandi Nyina ɛ wan a fɛ. A sin, a ee a a tun‑da ko yama ma koe a. Koe min na mu, a ma‑a gbɛ Yataa 'a denɛ a.

1 CHƆN 4:11

N dia nyɔɛ nu, ni Yataa toen mu ka wan mmɔ a, mbɛ mmɔ wɛɛ, mmɔ ɛ to wan mmɔ nyɔn na.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:16

Mmɔ sin danden fan mu a a, mbɛ mmɔ ko a di wan Yataa ye. Yataa mu koadia Yataa an na. A sin, mɔ ɔ mɔ min mbe to‑a mɔ dɔ mende n na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:20

Ni mɔ ɔ mɔ‑a a fɔ, mbɛ a toen fan mu Yataa a, chɛɛ a ma to ni a suun ma nyɔɛ a, ɛ ka fania an fɔ‑a. Koe min na mu, mɔ ɔ mɔ min ma to ni a suun ma nyɔɛ a, ɛ min yen tee ɔ tee a, a mɔɛ chɛ ee che to‑a Yataa a, a ee min yen.

1 CHƆN 4:8

Mɔ ɔ mɔ min ma to ni a bɔɛ a, a ma Yataa sɔn. Koe min na mu, Yataa mu koadia Yataa an na.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

2 CHƆN 1:5

Sanche gbɛ, bɔɔɛ, n mbe ee ka na tena sawa nama an nyɛn tena wo tena, chɛɛ sawa mu, min mbe mmɔ boo ɔ, a ka sakana bai chɛndɛ chɛ a min tima saa saa ma. An sawa chɛ ɔ, mmɔ ni to mmɔ nyɔn na.