1 CHƆN 4:21 - Yataa 'a Dɔbɛnɛ Nama

²¹ Yataa sin‑na chɛ an fɔ mmɔ ye, a ɔ, mɔ ɔ mɔ, i wɛn mbe to‑a a wan Yataa a, a ɔ, i mɔɛ chɛ ni to i suun ma nyɔɛ wɛɛ a.

1 CHƆN 4:21 ပူးပေါင်းရင်းမြစ်များ

MATIU 5:43

Chisɔsi ɔ, “Wo‑a a a min fan, min na‑a fɔ suun, mbɛ wo ni to wo 'a mɔɛ n na, mbɛ wo too‑a wo ko don ma nyɔɛ n na.

DUKU 10:37

Sawa kan mɔɛ chɛ ɔ, “Mɔɛ min chinchin‑da ka a ma.” Mbɛ Chisɔsi ɔ, “I wɛɛ ta, i ni sɔ kamin chɛ chen gba ɔ.”

CHƆN 15:12

N mbe chɛ an fɔ tena wo ye a ma koe a, mbɛ wo ni to wo nyɔn na, yɔ n toen mu buɛ min dɔ wo a.

Gboo Kadesia Ko A 5:14

Koe min na mu, Yataa‑a sawa miin gbɛɛ be Mosisi ma, a kun tɛen mu bai dɔndɔ gbe an na. A ɔ, “Wo to wo 'a mɔɛ n na, yɔ wo toen mu buɛ min dɔ wo wandi a.”

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Saa Tɛsadonika Ko A 4:9

Tima yayi mu, gboo nyɛn koe a wo tena, a fɔ koe a wo ye, mbɛ wo ni to wo bɔ Chisianɛ n na. Yataa wandi‑a wo kan, wo e kun buɛ min dɔ to koe a wo nyɔn na.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

1 CHƆN 2:7

N dia nyɔɛ nu, n mbe ee ka sawa nama an nyɛn tena wo tena, chɛɛ sawa kɔma mu. Wo boo ɔ sawa kɔma dɔndɔ gbe chɛ nu mu, a ka sakana bai chɛndɛ chɛ a min tima saa saa ma. Sawa kɔma chɛ mu sakana bai chɛ an na, wo na‑a min na min tee.

1 CHƆN 3:11

Wo na‑a min na min, tima min na wo na‑a sakana bai chɛ a min a saa saa a, an nɛ, mbɛ mmɔ ni to mmɔ nyɔn na.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 4:11

N dia nyɔɛ nu, ni Yataa toen mu ka wan mmɔ a, mbɛ mmɔ wɛɛ, mmɔ ɛ to wan mmɔ nyɔn na.