1 CHƆN 4:18 - Yataa 'a Dɔbɛnɛ Nama

¹⁸ Koe min na mu, Yataa 'a koadia mmɔ ko a, ɛ faagbaa bonda chɛ ban fan mmɔ ma. Ni mmɔ‑a mmɔ yii na chii, mbɛ tɔɔya ɛ wan mmɔ ya ɔ, an mbe a ma, mmɔ faa ɛ gbaa ka. Chɛ ɛ a ɔ yian fan, mbɛ Yataa 'a koadia kuu ma si nin bɛ mmɔ faa ɔ.

1 CHƆN 4:18 ပူးပေါင်းရင်းမြစ်များ

MATIU 9:34

Chɛɛ mɔɛ chɛ nu, miin ni Fayisii n na, an dɔ, “Nyina yama n 'na mansa chɛ, a 'a gbasaya ɔ mu, Chisɔsi ɛ nyina yama n gbain tena mɔɛ n fɛ.”

GBOO DOMI KO A 8:15

A mu min na, Yataa‑a a Nyina min be wo ma, ma koe a wo fɛ, a ee wo ma yɔnɛ n na, a ni a ma chiandia ni ma wo ɔ. Chɛɛ min mbe ma, Yataa Nyina ɛ wo ma Yataa 'a denɛ n fan na. A sin Yataa Nyina chɛ ɛ a ma‑a wan, wo ni Yataa chee, wo ɔ, wo fa.

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

GBOO IBU MƆƐ N KO A 12:28

Chɛ an fɛ mu, mmɔ Yataa wai bɔ. Koe min na mu, a‑a gbasaya be mmɔ ma, ma koe a mansaya ɔ a waa a, a sin mbe ee che yɔn‑da. Mmɔ a wai bɔ, mmɔ ni a fai chiandia ɔ, min mbe ma faachima a a tena.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.