1 CHƆN 4:15 - Yataa 'a Dɔbɛnɛ Nama

¹⁵ Ni mɔ ɔ mɔ‑a a fɔ den, mbɛ Chisɔsi mu Yataa 'a denɛ an na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 4:15 ပူးပေါင်းရင်းမြစ်များ

MATIU 10:32

Chisɔsi ɔ te to an nu ma, a ɔ, “Mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ n mbe dɔn‑da wan an mɔɛ chɛ wakoe ma Fa ya kɔɔ banda bu ɔ, gbɛmbo tee ma.

DUKU 12:8

“N ni a ma din wo tena, mbɛ ni mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ, n fan Mɔ Gbu 'a Denɛ, n mbe dɔn‑da wan an mɔɛ chɛ wakoe ma maeka n ya kɔɔ.

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

GBOO DOMI KO A 10:9

E bauncha ma sɔn‑da wan, ni i‑a da a bai chɛ fɔ den faaɔgbɛya ɔ, mbɛ Chisɔsi Chasi an mu i 'a mansa a. A sin i danden mu a a i yiima ɔ, mbɛ Yataa na‑a Chisɔsi chɛ kɔɔ sɔ wan a ka saya ɔ.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

1 CHƆN 2:24

Wo‑a min na min, a ka sakana bai chɛndɛ chɛ a min tima saa saa ma, wo a sa wo faa ɔ. Ni wo‑a an sa wo faa ɔ, wo e ma‑a wan mɔ dɔndɔɛ a Yataa 'a denɛ a, an fea Fa Yataa a.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.

1 CHƆN 4:2

Wo e kun‑da ka wan wo ni a ɔ sɔn, ni Yataa Nyina an mbe an fɛ. Mɔ ɔ mɔ min mbe a fɔ‑a fanka ɔ den, mbɛ Chisɔsi Chasi na‑a wan dunya chɛ ɔ mɔgbuya ɔ, Yataa Nyina an mbe a fɛ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

1 CHƆN 5:5

Koe min na mu, mɔɛ min mbe kun dunya chɛ ma, an mu dechee mɔɛ chɛ a, min danden mu a a, mbɛ Chisɔsi mu Yataa 'a denɛ an na.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.